WBC چەمپيونى سۇلتان زاۋىربەك الەمدىك رەيتينگىدە كوتەرىلدى
10:21, 20 - جەلتوقسان 2020
نۇر- سۇلتان. قازاقپارات - قازاقستاندىق بوكسشى سۇلتان زاۋىربەك (10-0، 7 ك و) كەزەكتى جەڭىسىنەن كەيىن Boxrec.com پورتالىنىڭ رەيتينگىسىندە ءوز پوزيتسياسىن جاقسارتتى، دەپ حابارلايدى قازاقپارات Sports.kz سايتىنا سىلتەمە جاساپ.
WBC- ءتىڭ ەكىنشى جارتىلاي سالماقتاعى جاستار اراسىنداعى چەمپيونى س. زاۋىربەك ۋكراينالىق ۆلاديسلاۆ مەلنيكپەن (12-3، 7 ك و) بولعان جەكپە- جەكتە تورەشىلەردىڭ ءبىراۋىزدى شەشىمىمەن جەڭىمپاز بولىپ تانىلدى. 24 جاستاعى قازاقستاندىق بوكسشى BoxRec رەيتينگىسىندە ءوز ديۆيزيونىندا 114- ورىننان 95 كە كوتەرىلدى.
ەسكە سالا كەتسەك، سۇلتان زاۋىربەكتىڭ 2020 -جىلى ءبىر عانا جەكپە- جەگى ءوتتى. بىلتىر ول التى رەت رينگكە شىققان بولاتىن. WBC ءدىڭ جاستار اراسىنداعى بەلدىگىن قىتايلىق بوكسشى لەشان ءليدى (16-5-2، 9 ك و) جەڭگەننەن كەيىن يەلەندى.