وپا-دالاپ پاتشايىمى. الەمدەگى تانىمال كومپانيا يەسى تۋرالى نە بەلگىلى؟
استانا. قازاقپارات - وپا-دالاپقا اۋەس ادامداردىڭ اراسىندا ءبارى بەتكە ارنالعان ەستە لاۋدەر ءتونالدى كرەمى تانىمالدىققا يە. الايدا بۇل برەند اتاۋىنىڭ ارتىندا امەريكالىق ايەلدىڭ ەسىمى تۇر. ول بۇدان بىرنەشە جىل بۇرىن كومپانياسىن اشىپ، بۇگىندە بۇكىل الەمگە تانىلعان برەند اتاۋىن قالىپتاستىردى. Massaget.kz ءتىلشىسى بۇل تۋرالى «قايتالانباس تۇلعا» ايدارىندا باياندايدى.
جوزەفينا ەستەر مەنتتسەر - امەريكالىق كاسىپكەر، Estée Lauder كومپانياسىنىڭ نەگىزىن قالاۋشى.
ەستە 1908 -جىلى امەريكالىق يەۆرەيلەردىڭ وتباسىندا دۇنيەگە كەلەدى. بالا كەزىنەن كرەم مەن ءيىسسۋعا اۋەس بولعان قىز 6 جاسقا تولعاندا ولاردىڭ ۇيىنە دجون سكوتتس ەسىمدى دەرماتولوگ اعاسى كەلىپ قونىستانادى. ءدال وسى اعاسىنىڭ ارقاسىندا ەستە بەتكە ارنالعان كرەمنىڭ 4 فورمۋلاسىن ويلاپ تاپتى.
ⅩⅩ عاسىردىڭ باسى ەۆرەي حالقىنا تەك امەريكادا عانا ەمەس، بۇكىل الەمدە قيىنعا سوقتى. سول ءۇشىن كەيىپكەر ءوزىن يەۆرەي ەمەس، باي وتباسىنان شىققان ادام رەتىندە تانىستىراتىن.
كومپانيانىڭ قۇرىلۋى
ەستە حانىم 1930 -جىلى دجوزەف لاۋتەرگە كۇيەۋگە شىعىپ، ونىڭ تەگىن الادى. و باستا لاۋتەر بولعان وتباسى تەگىنىڭ ءبىر ءارپىن وزگەرتىپ، لاۋدەرلەرگە اينالادى. ايەل 1933 -جىلى Lauter Chemists كومپانياسىن قۇرادى.
ودان كەيىنگى 10 جىل ىشىندە ەستە بالا تۋىپ، كۇيەۋىمەن اجىراسىپ، وعان قايتا كۇيەۋگە شىعىپ، ەكىنشى بالاسىن دۇنيەگە اكەلىپ ۇلگەرەدى. ال 1946 -جىلى Estéە Lauder Cosmetics Inc كومپانياسىن قۇرادى.
اشىق دەرەككوز مالىمەتىنشە، ەستە تاۋار قاپتاماسىنىڭ ديزاينى تۋرالى ۇزاق ويلانعان. ول كوپ قوناق ءۇي مەن دوستارىنىڭ ءۇيىن ارالاپ، وپا-دالاپتىڭ بىردەن كوزگە تۇسەتىن ءتۇسىن تاڭداۋعا كوپ ۋاقىت جۇمساعان. اقىر سوڭىندا ەستە كوگىلدىر تۇسكە توقتالعان.
بۇكىل الەمگە تانىمال برەند قالىپتاستىرعان ايەل تۋرالى بىرنەشە قىزىق فاكت بار.
تەگىن تەستەر اۆتورى
قازىر كەز كەلگەن دۇكەندە تاۋارعا ارنالعان تەستەرلەر بار. وسى تەستەرلەردىڭ اۆتورى - ەستە لاۋدەر. ول تۇتىنۋشىلارعا تەگىن ماكياج جاساۋ يدەياسىن ويلاپ تاپتى. بۇل شەشىم كەز كەلگەن جارناماعا قاراعاندا ءتيىمدى بولدى.
جاي عانا كاسىپكەر ەمەس، مىقتى ماركەتولوگ
قازىر ءوز تاۋارىن جارنامالاپ، نارىققا شىعارعىسى كەلەتىن كاسىپكەردىڭ ماركەتولوگ مامانى بار. ال ەستە لاۋدەر ءوز ءونىمىن حالىققا ۇسىنۋدىڭ قىزىق ءارى قايتالانباس جولدارىن تابا ءبىلدى. ماسەلەن، بىردە ول پاريجدەگى دۇكەندەردىڭ بىرىندە ءيىسسۋ قۇيىلعان قۇتىنى «سىندىرىپ» الادى. ونىڭ ءيىسى بۇكىل دۇكەندى الىپ كەتەدى. ال بۇل قادام دۇكەندەگى تۇتىنۋشىلار نازارىن اۋدارادى.
ءبىر قىزىعى، كاسىپكەر ايەلدەرگە قاجەتسىز تاۋاردىڭ ساتىلعانىن قالاماعان.
«ايەلدەرگە ولار قالامايتىن نەمەسە قاجەتسىز نارسە ساتپاڭىز»، - دەگەن ول.
ەستە لاۋدەر كومپانيادا جۇمىس ىستەۋگە ۇمىتكەرلەرمەن جەكە كەزدەسەتىن. ونىڭ كاسىبى ۇلكەن كورپوراتسياعا اينالسا دا، ول ءار قىزمەتكەرمەن تانىسقىسى كەلەتىن.
«مەن ولاردىڭ تۇيىندەمەلەرىنە قارامايمىن. ماعان اداممەن اراقاتىناس ماڭىزدى»، - دەدى ەستە 1969 -جىلى Boston Sunday Globe گازەتىنە بەرگەن سۇحباتىندا.
ەستە لاۋدەر گۇلدى قاتتى ۇناتقان. بۇل تۋرالى ول 1980 -جىلى House-Garden جۋرنالىنا بەرگەن سۇحباتىندا ايتقان.