استانا. KAZINFORM - دەنساۋلىق ساقتاۋ مينيسترلىگىنىڭ، باس پروكۋراتۋرانىڭ جانە ىشكى ىستەر مينيسترلىگىنىڭ اقپاراتتىق جۇيەلەرىن ينتەگراتسيالاۋ كولىك قۇرالىن باسقارۋعا مەديتسينالىق قارسى كورسەتىلىمدەرى بار ازاماتتاردى انىقتاۋعا مۇمكىندىك بەرەدى، دەپ حابارلايدى turkystan.kz.
دەرەكتەر الماسۋدى سيفرلاندىرۋدىڭ ناتيجەسىندە 10 مىڭنان استام ادامنىڭ جۇرگىزۋشى كۋالىگىن قولدانۋى توقتاتىلدى.
دەنساۋلىق ساقتاۋ مينيسترلىگى ديناميكالىق مەديتسينالىق باقىلاۋدا تۇرعان جانە كولىك قۇرالىن باسقارۋعا مەديتسينالىق قارسى كورسەتىلىمدەرى بار ازاماتتار تۋرالى مالىمەتتەردى ۇسىنادى.
«بۇل جۇمىس ءارى قاراي دا جالعاسىن تابادى. كولىك قۇرالىن باسقارۋعا بولمايتىن اۋرۋلار تىزبەسى نوزولوگيانىڭ سەگىز ءتۇرىن قامتيدى»، - دەدى دەنساۋلىق ساقتاۋ ۆيتسە-ءمينيسترى ەربول وسپانوۆ.
سونداي-اق جۇرگىزۋشى كۋالىگىن الۋ كەزىندە مەديتسينالىق كۋالاندىرۋ پروتسەسى دە سيفرلاندىرىلدى. مەديتسينالىق انىقتاما ەلەكتروندىق فورماتقا كوشىرىلىپ، مەديتسينالىق كوميسسيا قورىتىندىلارى اقپاراتتىق جۇيەلەردە كورسەتىلەدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан