Volkswagen ۇشاتىن اۆتوموبيل شىعارۋدى جوسپارلاپ وتىر
باسىلىم مالىمەتىنشە، نەمىس كومپانياسىنىڭ باسشىلىعى «بولاشاق موبيلدىگى» ستراتەگياسى اياسىندا قىتايدا ۇشاتىن اۆتوموبيلدەردى شىعارۋ جۇمىسىن تالقىلاپ جاتىر.
«ءبىز بۇل ءتاسىلدىڭ يندۋستريالاندىرۋ مۇمكىندىگىن انىقتاۋ ءۇشىن تۇجىرىمدامالار مەن سەرىكتەستەردى تەحنيكالىق- ەكونوميكالىق نەگىزدەرگە سايكەس زەرتتەيمىز»، - دەپ حابارلادى كومپانيا وكىلدەرى.
Volkswagen كومپانياسىنىڭ باس ديرەكتورى گەربەرت ديسس پەن كومپانيانىڭ قىتاي بولىمشەسى باسشىسى ستەفان ۆۋللەنشتەيننىڭ Linkedin-گە بەرگەن سۇحباتىندا قىتايدا ليتسەنزيا الۋعا بولاتىن، ۇشاتىن كولىك جاساعىسى كەلەتىنىن ايتتى. ونىڭ ايتۋىنشا، بۇل Volkswagen ءۇشىن بولاشاق نارىقتان ورىن الۋعا ۇلكەن مۇمكىندىك.
باسىلىمنىڭ مالىمەتىنشە، قىتايداعى اۆتوموبيل نارىعى سۇرانىس پەن ۇسىنىس تۇرعىسىنان ەڭ تابىستى سالا. 2020 -جىلى ەلدە 200 ميلليون كولىك قۇرالى تىركەلگەن.
ايتا كەتەيىك، بۇعان دەيىن جاپونيادا ۇشاتىن كولىك سىناقتان ءساتتى وتكەن ەدى.
tengrinews.kz