وسى كارتالارعا بايلانعان شوتتاعى قاراجات تولىق ساقتالادى. بۇل تۋرالى رەسەي ورتالىق بانكى ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.
«رەسەي بانكتەرى شىعارعان Visa جانە Mastercard حالىقارالىق تولەم جۇيەلەرىنىڭ بۇكىل كارتالارى ولاردىڭ قولدانۋ مەرزىمى اياقتالعانعا دەيىن رەسەي اۋماعىندا قالىپتى رەجيمدە جۇمىس ىستەي بەرەدى. ولار بويىنشا وپەراتسيالار ەل ىشىندە تولەم كارتالارىنىڭ ۇلتتىق جۇيەسىندە جۇزەگە اسىرىلادى جانە ولارعا سانكتسيا ىقپال ەتپەيدى. وسى كارتالارعا بايلانعان شوتتاعى قاراجات تولىق ساقتالادى جانە كەز كەلگەن ۋاقىتتا قولجەتىمدى»،-دەدى ورتالىق بانك.
رەسەيدەگى وسى كارتا يەلەرى بانكوماتتا وپەراتسيا جۇرگىزە الادى، كارتامەن تولەم جاساي الادى، كارتادان كارتاعا اقشا جىبەرە الادى. ورتالىق بانك Visa جانە Mastercard كارتالارى بويىنشا ترانسشەكارالىق وپەراتسيالار قولجەتىمسىز ەكەنىن ەسكەرتتى.