قارسىلاسىن قۇلاقسىز قالدىرعان UFC شەبەرى نوكاۋتپەن جەڭىسكە جەتتى
18:45, 08 - قاراشا 2020
نۇر- سۇلتان. قازاقپارات - لاس- ۆەگاستا UFC- ءدىڭ ارالاس جەكپە- جەكتەر بويىنشا جارىس ءوتتى.
جارتىلاي ورتا سالماق دارەجەسىندە امەريكاندىق ماكس گريففين مەن راميح براحيماي كەزدەستى، دەپ حابارلايدى قازاقپارات sports.kz سايتىنا سىلتەمە جاساپ.
بۇل ايقاس ءۇشىنشى راۋندقا دەيىن سوزىلدى. سول كەزدە گريففين وڭ قولىمەن قارسىلاسىنا قاتتى سوققى تيگىزىپ، ونى قۇلاقسىز قالدىرا جازداعان - سوققىدان قۇلاق ەكىگە ءبولىنىپ كەتتى. جاعدايدىڭ اۋىر ەكەنىن بايقاعان تورەشى گريففيننىڭ تەحنيكالىق نوكاۋتپەن جەڭىسكە جەتكەنىن جاريالادى.
بۇل - براحيمايدىڭ UFC- دەگى ءبىرىنشى جەكپە- جەگى. سپورتشى MMA- دا بارلىعى سەگىز رەت جەڭىسكە جەتىپ، ءۇش رەت جەڭىلگەن. گريففيننىڭ جەتىستىكتەرى — 6-8 MMA، 4-6 UFC.