قازاقستاندىق سپورتشى UFC-دەگى ەكى جەكپە-جەگى ءۇشىن 37 مىڭ دوللار الدى
10:11, 19 - شىلدە 2021
نۇر-سۇلتان. قازاقپارات - قازاقستاندىق سپورتشى سەرگەي موروزوۆتىڭ (17-5) UFC- تەگى ەكى ايقاسى ءۇشىن قانشا گونورار العانى بەلگىلى بولدى، دەپ حابارلايدى قازاقپارات Sports.kz سايتىنا سىلتەمە جاساپ.
موروزوۆ پروموۋشنداعى دەبيۋتىن قاڭتاردا جاسادى. ول كەزدە ەكىنشى راۋندتا سابمينشمەن رەسەيلىك ۋمار نۋرماگامەدوۆتەن (13-0) جەڭىلىپ قالعان. بۇل جەكپە-جەگى ءۇشىن موروزوۆ 13500 دوللار الدى (وكتاگونعا شىققانى ءۇشىن 10000 دوللار، 3500 دوللار ىنتالاندىرۋ بونۋسى رەتىندە). كۇنى كەشە موروزوۆ ەكىنشى رەت جەكپە-جەككە شىقتى. بۇل جولى ول تورەشىلەردىڭ ءبىراۋىز شەشىمىمەن نەمىس حاليدا تاحانى (13-4-1) جەڭدى. بوكسشىنىڭ UFC- دەگى العاشقى جەڭىسى وعان كوبىرەك اقشا اكەلدى - 24 000 دوللار (الاڭعا شىققانى ءۇشىن 20000 دوللار، 4000 دوللار ىنتالاندىرۋ بونۋسى رەتىندە).
وسىلايشا، UFC- دەگى ەكى ايقاسى ءۇشىن سەرگەي موروزوۆ 37500 دوللار الدى.
اۆتور: ءبيبىحان سەرىكوۆا