فۋتزالدان قازاقستان قۇراماسى بۇگىن الەم چەمپيوناتى ىرىكتەۋ كەزەڭىن باستايدى

بۇل ويىن قازاقستان ۋاقىتىمەن 20:00 دە باستالىپ، Qazsport تەلەارناسىنان تىكەلەي ەفيردە كورسەتىلەدى.

ۇلتتىق قۇراما ويىنشىلارى الدىمەن وقۋ-جاتتىعۋ جيىنىنا 10-قازاندا استانادا جينالدى.

قازاقستان قۇراماسىنىڭ ءتىزىمى

قاقپاشىلار: يگيتا، تالگات وتەپبەرگەنوۆ، نارۋن سەرىكوۆ.

الاڭداعى ويىنشىلار: ءبىرجان ورازوۆ، جاحانگير راشيت، ارنولد كناۋب، نۇرسۇلتان پيالى، دۋگلاس، ەدسون، ەرجان كارمەنوۆ، نۇرقانات باكتياروۆ، الەكساندر دەريابين، رينات تورەعازين، البەرت اكبالىقوۆ، ازات ۆاليۋللين، داۋرەن تۇرساعۇلوۆ.

ايتا كەتەيىك، ىرىكتەۋدىڭ نەگىزگى كەزەڭىندە 36 ۇلتتىق قۇراما باق سىنايدى. ولار ءۇش قۇرامادان 12 توپقا ءبولىندى. ماتچتار ۇيدە جانە سىرت الاڭدا وتەدى.

جەرەبە قورىتىندىسى بويىنشا قازاقستان قۇراماسى 6-توپقا ءتۇسىپ، بەلارۋس جانە البانيا قۇرامالارىمەن كەزدەسەدى.

نەگىزگى راۋند ماتچتارى 2026-جىلعى 12-21-قازان، 2-11-قاراشا، 6-9-جەلتوقسان ارالىعىندا جانە 2027-جىلعى 22-اقپان مەن 3-ناۋرىز ارالىعىندا وتەدى.

نەگىزگى كەزەڭنىڭ قورىتىندىسى بويىنشا بارلىق 12 توپتىڭ جەڭىمپازى مەن ەكىنشى ورىن العان ۇزدىك ءتورت قۇراما ەليتالىق راۋندقا تىكەلەي جولداما الادى. ال ەكىنشى ورىن يەلەنگەن قالعان سەگىز كوماندا پلەي-وفف كەزەڭىندە الەم چەمپيوناتىنىڭ كەلەسى ساتىسىنا شىعۋ ءۇشىن كۇرەسىن جالعاستىرادى.

قازىرگە دەيىن فۋتزالدان قازاقستان قۇراماسى الەم چەمپيوناتى فينالدىق كەزەڭىنە ءتورت مارتە قاتىستى. ازىرشە ەڭ جوعارى جەتىستىگى - 2021-جىلعى ءتورتىنشى ورىن.