«تەڭىزشيەۆرويلگە» 639,6 ميلليون تەڭگە كولەمىندە ايىپپۇل سالىندى
استانا. KAZINFORM - تابيعاتتى قورعاۋ پروكۋرورلارى «تەڭىزشيەۆرويل» ج ش س- نە 639,6 ميلليون تەڭگە كولەمىندە ايىپپۇل سالدى، دەپ حابارلايدى اتىراۋ وبلىسىنىڭ پروكۋراتۋراسى.
مامانداندىرىلعان تابيعات قورعاۋ پروكۋراتۋراسى اتموسفەرالىق اۋانىڭ لاستانۋىنا قاتىستى ەكولوگيالىق قاۋىپسىزدىك ماسەلەلەرى بويىنشا تالداۋ جۇرگىزىپ، ءبىرقاتار ورەسكەل زاڭ بۇزۋشىلىقتى انىقتادى.
- «تەڭىزشيەۆرويل» ج ش س 2023 -جىلدىڭ 3 جانە 4-توقسانىندا، سونداي-اق 2024 -جىلدىڭ 1 جانە 2-توقسانىندا اتموسفەراعا ەكولوگيالىق رۇقسات ەتىلگەن نورمالاردان تىس 49,3 توننا لاستاۋشى زاتتاردى شىعارعان. ونىڭ ىشىندە 4,9 توننا لاستاۋشى زات قورشاعان ورتاعا ارنايى رۇقساتسىز تاستالعانى انىقتالدى. وسىعان بايلانىستى، «تەڭىزشيەۆرويل» ج ش س-نە قاتىستى پروكۋروردىڭ قاۋلىسىمەن اكىمشىلىك ءىس قوزعالىپ، سوتپەن 639,6 ميلليون تەڭگە كولەمىندە ايىپپۇل سالىندى. بۇل شەشىم زاڭدى كۇشىنە ەندى، - دەلىنگەن حابارلامادا.
ايتا كەتەيىك، ايماقتا اتموسفەرالىق اۋانىڭ لاستانۋى - وزەكتى ماسەلەلەردىڭ ءبىرى سانالادى جانە بۇل باعىتتاعى قاداعالاۋ جۇمىستارىن پروكۋراتۋرا تۇراقتى تۇردە جۇزەگە اسىرىپ كەلەدى.
بۇعان دەيىن ماڭعىستاۋدا كارىز قۇبىرى جارىلىپ، قورشاعان ورتانى لاستاعانىن جازعان ەدىك.