- ءبىرىڭعاي جيناقتاۋشى زەينەتاقى قورى (ب ج ز ق) شامامەن %3,2 كىرىستىلىك كورسەتىپ وتىر. بۇل كورسەتكىش جوعارىراق بولۋى مۇمكىن بە ەدى؟ ءيا، مۇمكىن ەدى، ويتكەنى كەيبىر جەكە باسقارۋشى كومپانيالار بۇدان جوعارى ناتيجەگە قول جەتكىزدى. دەگەنمەن، ب ج ز ق وڭ كىرىستىلىكتى قامتاماسىز ەتىپ وتىر. ءبىز بۇل تۋرالى بىرنەشە رەت ايتقانبىز، ياعني 27 تريلليون تەڭگەلىك قوماقتى پورتفەلدى قاجەتتى يكەمدىلىكپەن ءارى جىلدامدىقپەن باسقارۋ وڭاي ەمەس. اتاپ ايتقاندا، 15-20 ميلليارد تەڭگەلىك پورتفەلدى باسقارۋعا قاراعاندا، الدەقايدا كۇردەلىرەك مىندەت، - دەدى ت. سۇلەيمەنوۆ.
ونىڭ ايتۋىنشا، زەينەتاقى قورى باسقارۋشىسىنىڭ باستى مىندەتى - نارىقتىق، ەلدىك جانە ۆاليۋتالىق تاۋەكەلدەردەن قورعايتىن بايىپتى ءارى كونسەرۆاتيۆتى پورتفەلدىك ءبولۋدى قامتاماسىز ەتۋ.
- مەنىڭشە، ۇلتتىق بانك پەن ءبىرىڭعاي جيناقتاۋشى زەينەتاقى قورى بۇل مىندەتتى تابىستى ورىنداپ كەلەدى.. . دەگەنمەن، اكتيۆتەردى اناعۇرلىم بەلسەندى باسقاراتىن جەكە كومپانيالار دا بار. ولار يكەمدى ءارى بەيىمدەلگىش كەلەدى، پورتفەلدەرى شاعىنىراق بولادى جانە جوعارىراق كىرىستىلىك ۇسىنادى. ەڭ باستىسى، زاڭ شىعارۋشى ورگانمەن بىرلەسە وتىرىپ، ءبىز ادامدارعا تاڭداۋ مۇمكىندىگىن بەردىك. سوندىقتان جەكە كومپانيالاردى تاڭداساڭىزدار، وندا ينۆەستيتسيا سالىپ كورىڭىزدەر. ەگەر ۇناماسا، قاراجاتتارىڭىزدى ب ج ز ق- دا قالدىرا بەرىڭىزدەر. ءبىز ەشكىمدى ماجبۇرلەمەۋىمىز كەرەك - بۇل ءارقايسىمىزدىڭ جەكە تاڭداۋىمىز، - دەدى ۇ ب باسشىسى.
بۇعان دەيىن حابارلانعانداي، ق ر ۇلتتىق بانكىنىڭ اقشا-كرەديت ساياساتى كوميتەتى بازالىق مولشەرلەمەنى جىلدىق 15,75 پايىز دەڭگەيىندە بەلگىلەۋ تۋرالى شەشىم قابىلدادى.