تينا كاندەلاكي مەن قازاقستان اراسىنداعى داۋعا رەسەي س ءى م رەسمي وكىلى ماريا زاحاروۆا ءۇن قوستى
استانا. KAZINFORM - رەسەي فەدەراتسياسى سىرتقى ىستەر مينيسترلىگىنىڭ رەسمي وكىلى ماريا زاحاروۆا وتانداسى تينا كاندەلاكيدىڭ مالىمدەمەسىنەن كەيىن تۋىنداعان ءتىل داۋىنا پىكىر ءبىلدىردى.
بۇعان دەيىن سىرتقى ىستەر مينيسترلىگىنىڭ رەسمي وكىلى ايبەك سمادياروۆ رەسەيلىك جۋرناليست تينا كاندەلاكيدىڭ قازاقستاننىڭ ءتىل ساياساتىنا بايلانىستى مالىمدەمەسىنەن كەيىن ەلگە كىرگىزىلمەيتىنىن ايتقان.
بۇعان تينا كاندەلاكي جاۋاپ قاتىپ، ايبەكتى ماسكەۋگە شاقىردى.
«مەنىڭ وتانىمنىڭ جۇرەگى ماسكەۋدەن باستاعان ءجون شىعار. ونداعى چيستوپرۋدنىي بۋلۆارىندا اباي قۇنانبايەۆتىڭ ەسكەرتكىشى تۇر. سىزگە دە، باسقا بارشا قازاقتار سياقتى ول جاي اباي رەتىندە عانا بەلگىلى. ال بىزگە ول بىزگە ورىس ءتىلى مەن ادەبيەتىن الەم جاۋھارىنىڭ كىلتى دەپ اتاعان ادام رەتىندە تانىمال»، - دەپ جازادى جۋرناليست.
رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا دا بۇل داۋعا ءۇن قوستى.
«تينانى دا، ايبەكتى دە جاقسى بىلەمىن. ونداي كەزدەسۋ بولسا، وتە قىزىق، ءوزارا سىيلاستىققا تولى پىكىرتالاس بولاتىنىنا سەنىمدىمىن. ال جالپى بارىمىزگە مازمۇنى باي ورتاق تاريحىمىزدىڭ ۇزدىك تۇستارىن ساقتاۋ باعىتىندا جۇمىس ىستەۋ كەرەك. بۇل ءىستى ادەپپەن، سايكەسىنشە اتقارۋ كەرەك»، - دەيدى ماريا زاحاروۆا.