پۋتين قىتاي مەملەكەتتىك كەڭەسىنىڭ پرەمەرىن قابىلدادى

استانا. KAZINFORM - رەسەي پرەزيدەنتى ۆلاديمير پۋتين قىتاي حالىق رەسپۋبليكاسى مەملەكەتتىك كەڭەسىنىڭ ءتوراعاسى لي شياڭمەن كەزدەستى. كەزدەسۋ كرەملدە ءوتتى، دەپ حابارلايدى ت ا س س اقپارات اگەنتتىگى.

لي چياڭ رەسەيگە ارىپتەسى پرەمەر-مينيستر ميحايل ميشۋستيننىڭ شاقىرۋىمەن كەلدى. رەسەي باسشىسىمەن كەزدەسۋ الدىندا ەكى ەلدىڭ پرەمەر-مينيسترلەرى رەسەي فەدەراتسياسى مەن قىتاي حالىق رەسپۋبليكاسى ۇكىمەت باسشىلارىنىڭ كەزەكتى 29- وتىرىسىن وتكىزىپ، ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى كەڭەيتۋ ماسەلەلەرىن تالقىلادى. ونەركاسىپ، ەنەرگەتيكا، اۋىل شارۋاشىلىعى جانە كولىك سالالارىنداعى بىرلەسكەن جوبالاردى ىلگەرىلەتۋگە باسا نازار اۋدارىلدى.

پۋتين مەن لي شياڭ سوڭعى رەت مامىر ايىندا رەسەي باسشىسىنىڭ قىتايعا مەملەكەتتىك ساپارى كەزىندە كەزدەسكەن. ودان كەيىن رەسەي پرەزيدەنتى قىتاي پرەمەر-ءمينيسترىن ماسكەۋدە كۇتەتىنىن اتاپ ءوتتى.

رەسەي پرەزيدەنتى ماسكەۋ مەن بەيجىڭ اراسىنداعى ءوزارا ساۋدانىڭ تابىستى دامىپ كەلە جاتقانىن مالىمدەپ، ەكى ەل ۇكىمەتتەرىنىڭ بۇل باعىتتاعى وڭ جۇمىستارىن اتاپ ءوتتى.

«ءبىزدىڭ ساۋدا-ساتتىق قارىم-قاتىناستارىمىز تابىستى دامىپ كەلەدى. سونىڭ ىشىندە قىتايلىق دوستارىمىزدىڭ كۇش- جىگەرىنىڭ ارقاسىندا ءوسىپ جاتىر. ەكى ەل ۇكىمەتتەرىنىڭ ساۋدا-ەكونوميكالىق قارىم-قاتىناستارعا كوڭىل ءبولۋى ءوز جەمىستەرىن بەرۋدە»، - دەدى پۋتين.

رەسەي پرەزيدەنتى بۇعان دەيىن وتكەن رەسەي فەدەراتسياسى مەن قىتاي ۇكىمەت باسشىلارىنىڭ كەزدەسۋىنىڭ قورىتىندىلارى تۋرالى حاباردار بولعانىن ايتتى. ونىڭ اتاپ وتۋىنشە، تاراپتار ماسكەۋ مەن بەيجىڭ اراسىنداعى ساۋدا- ەكونوميكالىق جانە گۋمانيتارلىق ىنتىماقتاستىقتىڭ بارلىق اۋقىمىن ەگجەي- تەگجەيلى تالقىلادى.

«ءوزارا ءتيىمدى كووپەراتسياعا باعىتتالعان ءبىرقاتار ەكىجاقتى قۇجاتتارعا قول قويىلدى»، - دەپ قوستى ول.

اۆتور

زارينا تۋعانبايەۆا