استانا. KAZINFORM - ساۋتپورت قالاسىندا تەيلور سۆيفتتىڭ شىعارماشىلىعىنا ارنالعان ءبي ماستەر-كلاسى كەزىندە پىشاقپەن شابۋىل جاسالىپ، قازا تاپقان بالالاردىڭ سانى ۇشكە دەيىن ءوستى. بۇل تۋرالى مەرسيسايد وكرۋگىنىڭ پوليتسياسى مالىمدەدى، دەپ حابارلايدى Kazinform اگەنتتىگى.
ءبي شەبەرلىك ساعاتى كەزىندە بالالارعا پىشاقپەن جاسالعان شابۋىل تۋرالى بۇعان دەيىن حابارلانعان بولاتىن. ناتيجەسىندە ەكى بالا قازا تاپتى، تاعى توعىزى جاراقات الدى، التاۋى اۋىر جاعدايدا بولعان.
وقيعا تەيلور سۆيفتكە ارنالعان ءىس-شارا كەزىندە، انگليانىڭ تەڭىز جاعالاۋىنداعى ساۋتپورتتاعى حارت-ستريتتە بولدى. قاستاندىق جاسادى ءارى كىسى ءولتىردى دەگەن كۇدىكپەن لانكاشيردەگى بەنكس قالاسىنان كەلگەن 17 جاستاعى بوزبالا قاماۋعا الىندى.
پاتشا مەن پرەمەر-مينيستر زارداپ شەككەندەرگە شىن جۇرەكتەن كوڭىل ايتىپ، قۇربانداردى ەسكە الدى.
اۆتور
ەلميرا ورالبايەۆا
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан