ۋتيلالىمدى الىپ تاستاۋ تۋرالى پەتيتسياعا قاتىستى الدىن الا شەشىم شىقتى
20:26, 15 - شىلدە 2024
استانا. قازاقپارات - الماتىدا وتكەن قوعامدىق تىڭداۋدا ۋتيلالىمدى الىپ تاستاۋ تۋرالى پەتيتسياعا قاتىستى الدىن الا شەشىم شىقتى، - دەپ حابارلايدى Massaget.kz.
ءتيىستى ۆەدومستۆو وكىلدەرى پەتيتسيا اۆتورلارىنىڭ ۋاجدەرىن شىندىققا جاناسپايدى دەپ شەشكەن.
«ءوتىنىش اۆتورىنىڭ ايتقانى شىندىققا سايكەس كەلمەيتىنىن، سونداي- اق قوعامدىق تالقىلاۋ كەزىندە باسقا ءۋاج كەلتىرىلمەگەنىن ەسكەرە وتىرىپ، ۋتيلالىمدى الىپ تاستاۋدان باس تارتۋ ۇسىنىلدى»، - دەدى يندۋستريا جانە قۇرىلىس مينيسترلىگى ينتەگراتسيا جانە حالىقارالىق ىنتىماقتاستىق دەپارتامەنتىنىڭ ديرەكتورى ادىلبەك بەكتىبايەۆ.
پەتيتسيا باستاماشىسى سانجار بوقايەۆ قازاقستان باسپا ءسوز كلۋبىندا ساعات 15.00-گە بەلگىلەنگەن باسپا ءسوز ءماسليحاتى بولعاندىقتان، قوعامدىق تالقىلاۋعا قاتىسقان جوق.