ۋتيلالىمعا قاتىستى پەتيتسيا نەلىكتەن قابىلدانباعانى ءتۇسىندىرىلدى

استانا. قازاقپارات- قازاقستانعا ءۇشىنشى ەلدەردەن 7 جىلدان اسقان كولىكتەردى كىرگىزۋگە تىيىم سالىنۋى مۇمكىن دەپ حابارلايدى 24kz.

بۇل ماسەلە ەۋرازيالىق ەكونوميكالىق وداق ەلدەرىمەن بىرگە تالقىلانادى. بۇل تۋرالى ونەركاسىپ جانە قۇرىلىس مينيسترلىگى مالىمدەدى. بۇل ەسكى كولىكتەردىڭ يمپورتىن تەجەۋگە ىقپال ەتەدى. 2027 -جىلعا قاراي اۋىل شارۋاشىلىعى ماشينالارىن جاساۋدا شاعىن اگرەگاتتاردى قۇراستىرۋ تولىق جۇزەگە اسىرىلادى. وندىرۋشىلەر 4 جىل ىشىندە كابينا جاساۋ، دانەكەرلەۋ، سىرلاۋ جۇمىستارىن جۇزەگە اسىرۋعا مىندەتتى.

ۋتيلالىمعا قاتىستى قوعامداعى قىزۋ پىكىرتالاسقا نۇكتە قويىلدى. ونەركاسىپ جانە قۇرىلىس مينيسترلىگىنىڭ ماماندارى پەتيتسيانىڭ نەلىكتەن قابىلدانباعانىن ءتۇسىندىردى. ايتۋلارىنشا، شەتەلدىك كولىكتەردى ءبىر رەتتىك زاڭداستىرۋ ناۋقانىندا اۆتوپاركتىڭ ەسكىرۋ ۇلەسى ۇلعايىپ كەتكەن. ەكىنشىدەن، كولىكتىڭ قىمباتتاۋى كادەگە جاراتۋ الىمىمەن بايلانىستى ەمەس.

ادىلبەك بەكتىبايەۆ، ق ر ونەركاسىپ جانە قۇرىلىس مينيسترلىگىنىڭ دەپارتامەنت ديرەكتورى:

- قازىر كولىك ساۋداسىنداعى كولەڭكەلى بيزنەستىڭ ۇلەسى  شاماسىندا. «جاسىل دامۋ» ۇيىمىنىڭ مالىمەتىنشە، مىسالى ءبىر ادام 280 كولىككە ۋتيلالىم تولەگەن. ول كاسىپكەرلىك سۋبەكتىسى رەتىندە تىركەلمەگەن جانە بيۋدجەتكە ەشقانداي سالىق تولەمەگەن. مينيسترلىك سالانى جاقىن ارادا رەتكە كەلتىرمەك. نەگىزگى ءۇردىس شەكارادان باستالادى. زاڭعا سايكەس، ەندى ءار ادام كولىكتى جەكە قولدانىسى ءۇشىن جانە جىلىنا ءبىر رەت الىپ كەلە الادى.

«قورشاعان ورتانى قورعاۋ جانە وتاندىق تاۋاروندىرۋشىلەردى قولداۋ ءۇشىن قاراپايىم زاڭنامالىق نورمالاردى قاتاڭ ساقتاۋ قاجەت»، - دەيدى ماماندار.

ارتۋر ميسكاريان، اۆتوكولىك نارىعىن باقىلاۋ جانە تالداۋ اگەنتتىگىنىڭ باس ديرەكتورى:

- زاڭداستىرۋ ناۋقانى كەزىندە 300 مىڭ كولىككە قاتىستى ۋتيلالىم قولدانىلمادى. سول كەزدە تىركەلگەن كولىكتەر ەسكى بولدى. ال كادەگەگە جاراتۋ الىمى كەزىندە ەلدەگى كولىك پاركى ەداۋىر جاقسارعانىن بايقادىق. بىلتىر قۇراستىرىلعانىنا 2 جىل بولماعان كولىكتەردىڭ سانى 2022 -جىلمەن سالىستىرعاندا 2 ەسە كوبەيگەن.

«جاسىل دامۋ» مەكەمەسى «ۋتيلالىمنان تۇسكەن قاراجات ءتيىمدى جۇمسالادى» دەپ وتىر.

دانيار دوسىمبەكوۆ، «جاسىل دامۋ» ا ق ءتوراعاسىنىڭ ورىنباسارى:

- 185 ميلليارد تەڭگە قازاقستان بويىنشا زاۋىتتار سوعۋ، سۇرىپتاۋ، قالدىقتاردى قايتا وڭدەۋ، سولارعا ارنايى ءبولىنىپ وتىرعان قاراجات. 100 ميلليارد تەڭگە جەڭىلدەتىلگەن اۆتونەسيەلەرگە بولىنگەن قاراجات. بۇگىندە 13347 تۇلعا جەڭىل كولىكتەرىن جەڭىلدىكپەن الۋشى اتانعان. 50 ميلليارد تەڭگە اۋىل شارۋاشىلىعى تەحنيكاسى. بۇگىنگى 1722 جاڭا اۋىل شارۋاشىلىعى تەحنيكالارى الىندى. سونىمەن قاتار جينالعان قاراجات توتەنشە جاعدايلار جانە ەكولوگيا مينيسترلىكتەرىنىڭ تەحنيكالارىن جاڭارتۋ مەن تاسقىننان زارداپ شەككەن ايماقتارعا جۇمسالادى.

اۆتورى: ەركەبۇلان سمادياروۆ