تيكتوكتاعى ترەند ءۇشىن قىزىنىڭ ماڭدايىنا جۇمىرتقا جارعان ايەل سوتتالدى

شۆەتسيادا الەۋمەتتىك جەلىلەردەگى ترەندتى قايتالاۋ ءۇشىن قىزىنىڭ ماڭدايىنا جۇمىرتقا جارعان ءساتىن تاسپالاعان ايەل سوتتالدى، دەپ حابارلايدى Oddity Central.

بىلتىر جازدا حەلسينگبورگ قالاسىنىڭ 24 جاستاعى تۇرعىنى قىزىنا الما ءبالىشىن ءپىسىرىپ، ول پروتسەستى ۆيدەوعا تۇسىرەتىنىن ايتقان. كەنەتتەن ايەل جۇمىرتقانى الىپ، قىزىنىڭ ماڭدايىنا جارادى. بۇل ءساتتى اناسى ءازىل رەتىندە قابىلداعانىمەن، قىزى ماڭدايى اۋىرعانىن ايتادى.

روليك TikTok-تا 100 مىڭ قارالىم جينادى. جەلى قولدانۋشىلارىنىڭ ءبىرى پوليتسياعا ارىز جازىپ، اناسى بالاسىنا زومبىلىق كورسەتتى دەپ ايىپتاعان. ال اناسى بولسا ول ۆيدەونىڭ جاي ءازىل ءۇشىن تۇسىرىلگەنىن ايتىپ، تۇسىندىرۋگە تىرىسقان. ونىڭ ايتۋىنشا، مۇنداي ۆيدەو ءتۇسىرۋ سول كەزدە TikTok-تا ترەند بولعان، كوپ اتا-انا سونداي روليكتەر تۇسىرگەن. الايدا ونىڭ بۇل ايتقاندارى سۋدياعا اسەر ەتپەدى، پروكۋرور بۇل ارەكەتتى شەكتەن تىس دەپ اتادى.

اقىرىندا سوت شۆەتسيا تۇرعىنىنا 20 مىڭ شۆەتسيالىق كرون ( 1071084,53 KZT) كولەمىندە ايىپپۇل تولەۋدى مىندەتتەدى.

turkystan.kz