تىكەندى جۇزىك: ا ق ش-تا تەلەفونعا شەكتەن تىس تەلمىرگەندەردىڭ ساۋساعىن قىسىپ قالاتىن ساقينا شىقتى

UScellular بايلانىس وپەراتورى جاڭا، تاڭعالارلىق قۇرىلعىنى تانىستىردى. Pinky Promise Ring دەپ اتالاتىن جۇزىك تەلەفونعا ۇزاق قاراپ وتىرعان كەزدە ساۋساققا شانشىپ اۋىرا باستايدى، دەپ حابارلايدى  newsroom.uscellular.com.

بۇل جاي كونسەپت ەمەس، ناقتى ءونىم. ونى UScellular رەسمي سايتىنان تەگىن الۋعا تاپسىرىس بەرۋگە بولادى. جوبا اۆتورلارىنىڭ ايتۋىنشا، بۇل «سمارتفون شىلبىرى» (smartphone pinky) دەپ اتالاتىن قۇبىلىسقا نازار اۋدارتۋ ءۇشىن جاسالعان. ۇيالى تەلەفوندى كوپ ۇستاي بەرۋدەن شىناشاقتىڭ بۋىنى مايىسىپ، تەرەڭ ويىق پايدا بولۋى مۇمكىن، ال جۇزىك سونىڭ الدىن الۋ ءۇشىن ويلاپ تابىلعان.

«بۇل جازالاۋ ەمەس. بۇل - شىنايى ومىرگە قايتا ورالۋ ءۇشىن جاسالاتىن ەسكەرتۋ»، - دەيدى ازىرلەۋشىلەر.

جۇزىكتىڭ ىشكى جاعىندا ورنالاسقان ۇساق تىكەنەكتەر تەلەفوندى ۇزاق ۇستاپ وتىرعان كەزدە ساۋساققا جايسىزدىق تۋدىرادى، ءبىراق ول تەرىنى زاقىمدامايدى. ماقساتى - ادامدى «doomscrolling» دەپ اتالاتىن - ياعني شەكسىز جاڭالىقتار لەنتاسىن پاراقتاي بەرەتىن داعدىدان ارىلتۋ.

قازىر جۇزىككە دەگەن قىزىعۋشىلىق جوعارى: مىڭداعان ادام تاپسىرىس بەرىپ ۇلگەرگەن.