تيان-شان قوڭىر ايۋى فوتوتۇزاققا ءتۇسىپ قالدى
استانا. KAZINFORM - سيرەك كەزدەسەتىن ايۋدىڭ بۇل ءتۇرى ءساۋىر ايىنىڭ سوڭىندا پارك اۋماعىندا ارنايى ورناتىلعان فوتوتۇزاققا ىلىككەن.
ورمان شارۋاشىلىعى جانە جانۋارلار دۇنيەسى كوميتەتىنىڭ مالىمەتىنشە، تيان-شان قوڭىر ايۋى قازاقستاننىڭ قىزىل كىتابىنا ەنگىزىلگەن. سوڭعى جىلدارى ۇلتتىق پارك اۋماعىندا ايۋلاردىڭ سانى جىل سايىن ارتىپ كەلەدى.
- الايدا، بۇل جانۋار ءتۇرى جىرتقىش جانۋارلار ساناتىنا جاتاتىندىعىن ەسكەرگەن ءجون. سول سەبەپتى، ۇلتتىق پارك قىزمەتكەرلەرى كەلۋشىلەرگە ايۋلارمەن كەزدەسكەن كەزدە قاۋىپسىزدىك شارالارىن ساقتاۋ جانە جانۋارلاردى الاڭداتاتىن كەز كەلگەن ارەكەتتەن اۋلاق بولۋ ماڭىزدى ەكەنىن ەسكەرتەدى، - دەپ ەسكەرتتى كوميتەتتەن.
ەسكە سالا كەتەيىك، بۇعان دەيىن «كولساي كولدەرى» مەملەكەتتىك ۇلتتىق تابيعي پاركى اۋماعىندا جابايى جانۋارلاردى باقىلاۋ ماقساتىندا ورناتىلعان بەينەتۇزاقتاردىڭ بىرىنە ق ر قىزىل كىتابىنا ەنگىزىلگەن قار بارىسى تۇسكەن بولاتىن.