بۇل تۋرالى رەسەي پرەزيدەنتىنىڭ باسپا ءسوز حاتشىسى دميتري پەسكوۆ مالىمدەدى، دەپ حابارلايدى Kazinform ت ا س س اگەنتتىگىنە سىلتەمە جاساپ.
كەزدەسۋ بارىسىندا ۆلاديمير پۋتين ا ق ش پرەزيدەنتى دونالد ترامپتىڭ ارنايى وكىلىنە ۋكرايناداعى قاقتىعىس ماسەلەسىنە كوڭىل بولگەنى ءۇشىن العىس ايتتى.
ەسكە سالايىق، بۇعان دەيىن ا ق ش پرەزيدەنتىنىڭ ارنايى وكىلى ستيۆ ۋيتكوفف وسلودا ۋكراينا جانە ەۋروپا تاراپتارىمەن كەلىسسوزدەر وتكىزگەننەن كەيىن سانكت-پەتەربۋرگكە بارعانىن حابارلاعانبىز.
وسلودان ۇشىپ شىققان Bombardier ۇشاعى پۋلكوۆو-3 اۋەجايىنا قونعان. امەريكالىق وكىلدى رەسەي پرەزيدەنتىنىڭ شەت مەملەكەتتەرمەن ينۆەستيتسيالىق-ەكونوميكالىق ىنتىماقتاستىق جونىندەگى ارنايى وكىلى، رەسەيدىڭ تىكەلەي ينۆەستيتسيالار قورىنىڭ باسشىسى كيريلل دميتريەۆ قارسى الدى. كەيىن ولار اۋەجايدان بىرگە كەتكەن.
20-قازاندا ستيۆ ۋيتكوفف وسلودا ۋكراينا پرەزيدەنتى ۆلاديمير زەلەنسكيمەن، نورۆەگيا پرەمەر-ءمينيسترى يوناس گار ستەرەمەن جانە فينليانديا پرەزيدەنتى الەكساندر ستۋببپەن كەلىسسوزدەر وتكىزدى. كەزدەسۋدە رەسەي مەن ۋكراينا اراسىنداعى قاقتىعىستى رەتتەۋ جانە ەۋروپانىڭ بولاشاق قاۋىپسىزدىك ارحيتەكتۋراسىن قالىپتاستىرۋ ماسەلەلەرى تالقىلاندى.