توتەنشە جاعدايلار ءمينيسترى شىڭعىس ءارىنوۆ قوستاناي وبلىسىنا باردى
قوستاناي. KAZINFORM - قازاقستان پرەمەر-ءمينيسترى ولجاس بەكتەنوۆتىڭ تاپسىرماسى بويىنشا توتەنشە جاعدايلار ءمينيسترى شىڭعىس ءارىنوۆ تاڭەرتەڭ قوستاناي وبلىسىنا كەلدى. بۇل تۋرالى ق ر ت ج م باسپا ءسوز قىزمەتى مالىمدەدى.
بەلگىلى بولعانداي ساپاردىڭ مىندەتى - سۋ تاسقىنى جاعدايىن تۇراقتاندىرۋ بويىنشا جۇمىستى ۇيلەستىرۋ.
كەشە توبىل وزەنى دەڭگەيىنىڭ قارقىندى كوتەرىلۋىنە بايلانىستى توبىل جانە قوستاناي قالالارىنىڭ ەلدى مەكەندەرىن سۋ باسۋ قاۋپى تۋىندادى. جۇمىس ساپارى بارىسىندا ۆەدومستۆو باسشىسى وبلىس اكىمى قۇمار اقساقالوۆپەن بىرلەسىپ ەۆاكۋاتسيالىق پۋنكتتەردى، سۋ باسقان اۋلا ۋچاسكەلەرىن جانە قوستاناي اۋدانىنداعى كورەي كوپىرىندەگى بوگەتتەردى ارالادى.
ەسكە سالا كەتەيىك، بۇگىن قوستانايدا توتەنشە جاعداي جاريالاندى. قوستانايدا سۋ باسۋ قاۋپىنە بايلانىستى پوليتسەيلەر مەن قۇتقارۋشىلار جەرگىلىكتى اتقارۋشى ورگاندارمەن بىرلەسىپ 215 تۇرعىن قاۋىپسىز جەرگە كوشىرىلدى.