وسى كەزەڭدە قازاقستان ەكونوميكاسىندا ەلەۋلى وزگەرىستەر بولدى، دەپ حابارلايدى BAQ. KZ ءتىلشىسى.
ج ءى ءو ءوسىمى
جان باسىنا شاققانداعى جالپى ىشكى ءونىم ۇلتتىق ۆاليۋتادا ەكى ەسەدەن استام ءوستى. 2019-جىلدىڭ ءبىرىنشى توقسانىندا بۇل كورسەتكىش 715,5 مىڭ تەڭگەنى قۇراسا، 2026-جىلدىڭ ءبىرىنشى توقسانىندا 1 ميلليون 661,6 مىڭ تەڭگەگە جەتتى.
وسىلايشا، اتاۋلى ءوسىم 2,3 ەسە بولدى.
جان باسىنا شاققانداعى ج ءى ءو- ءنى دوللارمەن ەسەپتەگەندە دە وڭ ديناميكا بايقالادى. جەتى جىل ىشىندە بۇل كورسەتكىش 2005,1 دوللاردان 3338,3 دوللارعا دەيىن، ياعني شامامەن 1,7 ەسە ءوستى. تەڭگە مەن دوللارداعى ءوسىمنىڭ ايىرماشىلىعى، سونىڭ ىشىندە ۇلتتىق ۆاليۋتا باعامىنىڭ وزگەرۋىنە بايلانىستى.
حالىقارالىق رەزەرۆتەر
سونىمەن قاتار قازاقستاننىڭ تازا سىرتقى قارىزى ازايدى. 2019-جىلدىڭ ءبىرىنشى توقسانىندا ونىڭ كولەمى 51 ميلليارد دوللار بولسا، 2026-جىلدىڭ ءبىرىنشى توقسانىنا قاراي 35,1 ميلليارد دوللارعا دەيىن تومەندەدى. قارىز كولەمى شامامەن 16 ميلليارد دوللارعا نەمەسە 31 پايىزعا قىسقاردى.
ەلدىڭ جالپى حالىقارالىق رەزەرۆتەرى ايتارلىقتاي ءوستى. قاراستىرىلىپ وتىرعان كەزەڭدە ولاردىڭ كولەمى 27 ميلليارد دوللاردان 66,8 ميلليارد دوللارعا دەيىن ۇلعايىپ، شامامەن 2,5 ەسە ارتتى.
حالىقارالىق رەزەرۆتەر مەملەكەتتىڭ قارجىلىق تۇراقتىلىعىن قولداۋعا، سىرتقى مىندەتتەمەلەردى ورىنداۋعا جانە ەكونوميكالىق كۇيزەلىستەر كەزىندە تاۋەكەلدەردى ازايتۋعا پايدالانىلادى.
التىن
حالىقارالىق رەزەرۆتەر قۇرامىنداعى مونەتارلىق التىن كولەمى ايتارلىقتاي ءوستى. 2019-جىلدىڭ ءبىرىنشى توقسانىندا ونىڭ قۇنى 15 ميلليارد دوللارعا باعالانسا، 2026-جىلدىڭ ءبىرىنشى توقسانىندا بۇل كورسەتكىش شامامەن 51,8 ميلليارد دوللارعا جەتتى.
وسىلايشا، مونەتارلىق التىننىڭ اقشالاي ماندەگى كولەمى شامامەن 3,45 ەسە ۇلعايدى.
زەينەتاقى
وزگەرىستەر الەۋمەتتىك سالانى دا قامتىدى. ەڭ تومەنگى زەينەتاقى مولشەرى 2019-جىلعى 36108 تەڭگەدەن 2026-جىلى 69049 تەڭگەگە دەيىن ءوستى.
وسىلايشا، ەڭ تومەنگى زەينەتاقى مولشەرى شامامەن 1,9 ەسە ارتتى.