توقايەۆ ساعىمبايەۆتى ۇ ق ك باسشىسى قىزمەتىنەن نە سەبەپتى بوساتتى

استانا. KAZINFORM - مەملەكەت باسشىسى قاسىم-جومارت توقايەۆ ەرمەك ساعىمبايەۆتى باسقا جۇمىسقا اۋىسۋىنا بايلانىستى ۇلتتىق قاۋىپسىزدىك كوميتەتىنىڭ ءتوراعاسى قىزمەتىنەن بوساتۋ تۋرالى شەشىم قابىلدادى.

Фото: Ақорда

بۇل جونىندە ق ر پرەزيدەنتىنىڭ كەڭەسشىسى - باسپا ءسوز حاتشىسى ايبەك سمادياروۆ مالىمدەدى.

ونىڭ مالىمدەۋىنشە، بۇل شەشىم ارناۋلى قىزمەتتى رەفورمالاۋ مىندەتىن تابىستى ورىنداۋ ماقساتىندا باسشىلىق قۇرامداعى كادرلىق روتاتسيا قاجەتتىلىگىن ەسكەرە وتىرىپ قابىلداندى.

ەرمەك ساعىمبايەۆتى قىزمەتىنەن بوساتۋ تۋرالى شەشىم قابىلداعان كەزدە مەملەكەت باسشىسى سىبايلاس جەمقورلىق وقيعاسىنا قاتىسى بار تۇلعالاردىڭ ۇستالۋىن دا نازارعا العان. پرەزيدەنتتىڭ پىكىرىنشە، قۇقىق قورعاۋ ورگاندارى ءبىرقاتار ولقىلىققا جول بەرگەن. وسىعان بايلانىستى ىشكى ىستەر ءمينيسترى ەرجان سادەنوۆكە دە تارتىپتىك جازا جاريالاندى.

سول كۇنى مەملەكەت باسشىسى ىشكى ىستەر مينيسترلىگىنىڭ باسشىلىق قۇرامىمەن جۇمىس كەڭەسىن وتكىزدى. پرەزيدەنت مينيسترلىككە «زاڭ جانە ءتارتىپ» قاعيداتىنا سايكەس قوعامدىق ءتارتىپتى قامتاماسىز ەتۋ مىندەتتەرىن ورىنداۋ كەزىندە قىزمەتتىك ءتارتىپتى نىعايتىپ، پوليتسيا قىزمەتكەرلەرىنىڭ كاسىبي دايارلىق دەڭگەيىن ارتتىرۋدى تاپسىردى.

سونداي-اق، ىشكى ىستەر ءمينيسترى ەرجان سادەنوۆكە پوليتسيانىڭ قاتارداعى قىزمەتكەرلەرى مەن وفيتسەرلىك قۇرام اراسىندا تاربيە جۇمىسىن كۇشەيتۋ قاجەتتىگى ەسكەرتىلدى.

ايتا كەتەيىك، بۇعان دەيىن پرەزيدەنت ۇ ق ك- ءنىڭ جاڭا ءتوراعاسىنا ءبىرقاتار تاپسىرما بەرگەنىن جازعانبىز.