توقايەۆ قازاقستاندا ا س-تى كىم سالۋى كەرەك دەگەن سۇراققا جاۋاپ بەردى
استانا. KAZINFORM - ا ە س بويىنشا وڭ شەشىم قابىلدانسا، وندا ونى حالىقارالىق كونسورتسيۋم سالۋى قاجەت. بۇل تۋرالى ا ە س بويىنشا رەفەرەندۋمدا داۋىس بەرگەننەن كەيىن ب ا ق وكىلدەرىنە شاعىن سۇحبات بەرگەن مەملەكەت باسشىسى قاسىم-جومارت توقايەۆ ايتتى.
«ەگەر رەفەرەندۋم قورىتىندىسىندا قازاقستان ازاماتتارى ا ە س قۇرىلىسىنا قاتىستى ماسەلەگە قولداۋ بىلدىرسە، وندا ونى كىم سالادى؟»، - دەپ سۇرادى ب ا ق وكىلدەرى پرەزيدەنتتەن.
مەملەكەت باسشىسى بۇل ماسەلەنىڭ كۇردەلى ەكەندىگىن اتاپ ءوتتى.
«ۇكىمەت ساراپتامامەن اينالىسىپ، تيىسىنشە كەلىسسوزدەر جۇرگىزۋى قاجەت. دەگەنمەن، بۇل ماسەلەگە قاتىستى مەنىڭ جەكە كوزقاراسىم، قازاقستاندا ەڭ وزىق تەحنولوگيالارعا يە الەمدىك كومپانيالاردان تۇراتىن حالىقارالىق كونسورسيۋم جۇمىس ىستەۋى ءتيىس. ءبىراق، مۇنان ارى ءومىر كورسەتەدى»، - دەدى قاسىم-جومارت توقايەۆ.
ەسكە سالا كەتەيىك، بۇعان دەيىن قاسىم-جومارت توقايەۆ ا ە س بويىنشا رەفەرەندۋمدا داۋىس بەرگەنىن جازعان بولاتىنبىز.
ورتالىق رەفەرەندۋم كوميسسياسى ءتوراعاسىنىڭ ورىنباسارى كونستانتين پەتروۆ ەلدىڭ بارلىق وڭىرىندە قازاقستاندا اتوم ەلەكتر ستانسياسىن سالۋ ماسەلەسى بويىنشا جالپىۇلتتىق رەفەرەندۋم باستالعانىن رەسمي ءمالىم ەتتى.
1-شىلدەدەگى جاعداي بويىنشا ەل كولەمىندە 12176968 ادام رەفەرەندۋمدا داۋىس بەرۋگە حاقىلى.
اۆتور
مارلان جيەمباي