استانا. KAZINFORM - باشقۇرتستاندا ءوتىپ جاتقان كەزەكتى ءوڭىرارالىق ىنتىماقتاستىق فورۋمعا ونلاين-رەجيمدە قاتىسقان قازاقستان مەن رەسەي پرەزيدەنتتەرى ومبىدا ءال-فارابي اتىنداعى قازاق ۇلتتىق ۋنيۆەرسيتەتىنىڭ فيليالىن اشۋعا رۇقسات بەردى.
عىلىم جانە جوعارى ءبىلىم مينيسترلىگىنىڭ مالىمەتى بويىنشا، جوعارى وقۋ ورنىنىڭ فيليالى تالاپكەرلەردى 2025-جىلدىڭ قىركۇيەگىنەن باستاپ قابىلدايدى. قازاقستان مەن رەسەي ۇكىمەتى ستۋدەنتتەردى وقىتۋ ءۇشىن 200 ءبىلىم بەرۋ گرانتىن ءبولۋدى قاراستىرعان.
مۇندا «حالىقارالىق قۇقىق»، «قازاق فيلولوگياسى» جانە «كەدەن ءىسى» سياقتى ءبىلىم بەرۋ باعدارلامالارى بويىنشا باكالاۆرلار مەن ماگيسترانتتاردى دايارلايدى. بولاشاقتا قوس ديپلومدى ءبىلىم بەرۋ باعدارلاماسى جۇزەگە اسىرىلماق.
دارىستەر قازاق، ورىس، اعىلشىن تىلدەرىندە جۇرگىزىلەدى دەپ جوسپارلانعان.
سونداي-اق، شەتەلدىك عالىمداردى دا ءبىلىم بەرۋ پروتسەسىنە تارتۋ كوزدەلىپ وتىر.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.