توقايەۆ ش ى ۇ باستاماسىن قولداۋ ءۇشىن ب ۇ ۇ باس اسسامبلەياسى قارارىن قابىلداۋدى ۇسىندى
استانا. KAZINFORM – ش ى ۇ- نىڭ ءادىل الەم، كەلىسىم جانە دامۋ باستاماسىن قولداۋ ءۇشىن ب ۇ ۇ باس اسسامبلەياسى قارارىن قابىلداۋ قاجەت.
بۇل تۋرالى ەلورداداعى تاۋەلسىزدىك سارايىندا شاڭحاي ىنتىماقتاستىق ۇيىمى سامميتى اياسىندا ءوتىپ جاتقان «ش ى ۇ+» كەزدەسۋىندە مەملەكەت باسشىسى قاسىم-جومارت توقايەۆ ايتتى.
«سىزدەرگە ءوزارا ءىس-قيمىلىمىزعا جاڭا سەرپىن بەرۋگە ارنالعان ۇسىنىستاردى ۇسىنۋعا رۇقسات ەتىڭىزدەر. ءبىزدىڭ ويىمىزشا، باستى مىندەت بەيبىت جانە ۇيلەسىمدى دامۋدىڭ كۇن ءتارتىبىن ۇجىمدىق ىلگەرىلەتۋ بولىپ قالا بەرەدى. الەمدەگى نەگىزگى قايشىلىقتاردى ۇجىمدىق كۇش-جىگەر مەن دانا ديپلوماتيا ارقىلى عانا شەشۋگە جانە تۇراقتىلىقتى قامتاماسىز ەتۋگە بولاتىنىنا سەنىمدىمىن. وسى ورايدا كەلەر جىلى ءوزىنىڭ 80 جىلدىعىن تويلايتىن ب ۇ ۇ- عا ۇلكەن ءۇمىت ارتىلادى. بۇل ۇيىمعا بالاما جوق. ونىڭ الەۋەتى ءالى تاۋسىلماعان. ءبىزدىڭ ورتاق مىندەتىمىز – 21-عاسىر سىن-قاتەرلەرىنە قارسى تۇرۋعا قابىلەتتى جاھاندىق قاۋىپسىزدىكتى قامتاماسىز ەتۋدىڭ باستى ينستيتۋتى رەتىندە ب ۇ ۇ ءرولىن كۇشەيتۋ»، - دەدى پرەزيدەنت.
مەملەكەت باسشىسى پايىمىنشا، ش ى ۇ- نىڭ ءۇنى قازىرگى زاماننىڭ ءارتۇرلى ماسەلەلەرى بويىنشا شوعىرلاندىرىلعان ۇستانىمدى العا جىلجىتا وتىرىپ، حالىقارالىق ارەنادا بۇدان دا كۇشتىرەك ەستىلۋى كەرەك.
«سوندىقتان ءبىز قابىلداعان تاتۋ كورشىلىك، سەنىم جانە سەرىكتەستىك تۋرالى مالىمدەمە وزەكتى. سونىمەن بىرگە، ب ۇ ۇ- نىڭ 80 جىلدىعىنا جانە ش ى ۇ مەن ب ۇ ۇ ىنتىماقتاستىعىنىڭ 20 جىلدىعىنا وراي ءادىل الەم، كەلىسىم جانە دامۋ باستامامىزدى قولداۋ ءۇشىن ب ۇ ۇ باس اسسامبلەياسىنىڭ قارارىن قابىلداۋدى ۇسىنامىن»، - دەدى قاسىم-جومارت توقايەۆ.