ۆاكسينا سالۋ ناۋقانى ەلدىڭ ەڭ ءىرى اۋرۋحانالارىندا جۇرگىزىلىپ جاتىر. تۇركيا كوروناۆيرۋسقا قارسى ۆاكسينا شىعارعان 9-مەملەكەت بولىپ وتىر، دەپ حابارلايدى قازاقپارات تۇركيانىڭ انادولى اگەنتتىگىنە سىلتەمە جاساپ.
تۇركيانىڭ دەنساۋلىق ساقتاۋ ءمينيسترى فاحرەتتين كودجا COVID-19 ۆيرۋسىنا قارسى ءۇشىنشى (بۋستەرلىك) دوزا رەتىندە تۇركيالىق TURKOVAC ۆاكتسيناسىن سالدىردى. ۆەدومستۆو باسشىسى ريەۆاكتسيناتسيادان انكارا قالالىق اۋرۋحاناسىندا كوروناۆيرۋسپەن كۇرەس جونىندەگى عىلىمي كەڭەستىڭ ۆيرتۋالدى ماجىلىسىنەن سوڭ ءوتتى.
«مەن ەلىمىزدىڭ ازاماتتارىنا TURKOVAC ۆاكتسيناسىن سالدىرۋعا جانە وسى پرەپاراتپەن ريەۆاكسيناتسيادان وتۋگە كەڭەس بەرەمىن»، - دەدى ول جۋرناليستەرگە.
كودجانىڭ سوزىنشە، تۇركيادا وتاندىق ۆاكتسينانى قالالىق اۋرۋحانالاردان الۋعا بولادى. مينيستر سونىمەن قاتار سوڭعى كۇندەرى ەلدە كوروناۆيرۋس جۇقتىرعاندار سانىنىڭ ارتا باستاعىنىن ەسكەرتتى.
ونىڭ سوزىنشە، قىستا ادامدار ۋاقىتىن كوبىنە جابىق عيماراتتا وتكىزەدى. ۆيرۋس جۇقتىرۋ كورسەتكىشىنىڭ ۇلعايۋىنىڭ تاعى ءبىر سەبەبىن ول «وميكرون» شتامىنىڭ جەدەل تاراۋىمەن بايلانىستىردى.
بۇل رەتتە كودجا اۋرۋحاناعا جاتقىزىلعاندار سانىنىڭ ۇلعايماعانىن ايتتى. دەنساۋلىق ساقتاۋ ۆەدومستۆوسىنىڭ باسشىسى ازاماتتاردى ۋاقىتىنىڭ كوبىن جابىق عيماراتتا وتكىزبەۋگە تىرىسۋ قاجەتتىگىن جانە ماسكا تاعۋدى قوسا العاندا ساقتىق شارالارىن مۇقيات ساقتاۋ كەرەكتىگىن ەسكەرتتى.
Euronews اگەنتتىگىنىڭ حابارلاۋىنشا، تۇركيانىڭ دەنساۋلىق ساقتاۋ ءمينيسترى TURKOVAC ۆاكتسيناسىن بۋستەرلىك ەكپە رەتىندە تاڭداعانىن حابارلادى.
وسىعان دەيىن تۇركيا پرەزيدەنتى رەدجەپ تاييپ ەردوعان پرەپاراتتى وزگە ەلدەرگە دە قولجەتىمدى ەتۋگە ۋادە بەرگەن ەدى.