تۋريزم جانە سپورت ءمينيسترى انت قابىلدادى
استانا. KAZINFORM - ەلىمىزدىڭ تۋريزم جانە سپورت ءمينيسترى بولىپ تاعايىندالعان ەربول مىرزابوسىنوۆ ۇكىمەت وتىرىسىندا انت قابىلدادى.
«قازاقستان حالقى مەن پرەزيدەنتى الدىندا ءوز وتانىم - قازاقستاننىڭ ەكونوميكالىق جانە رۋحاني دامۋ ىسىنە بارلىق كۇش-جىگەرىم مەن ءبىلىمىمدى جۇمساۋعا، مەملەكەتتىڭ كونستيتۋتسياسى مەن زاڭدارىن قاتاڭ ساقتاۋعا، ءوزىمنىڭ بارلىق ءىس ارەكەتىمدە زاڭدىلىق پەن ادىلەتتىلىك، ازاماتتىق، ۇلتارالىق جانە كونفەسسياارالىق تاتۋلىق پرينتسيپتەرىن ۇستانۋعا، قازاقستان حالقىنا ادال قىزمەت ەتۋگە، ءوز ەلىمنىڭ مەملەكەتتىلىگى مەن دۇنيەجۇزىلىك قوعامداستىقتاعى بەدەلىن نىعايتا بەرۋگە سالتاناتتى تۇردە انت ەتەمىن»، - دەدى ەربول مىرزابوسىنوۆ ۇكىمەت ۇيىندە.
ايتا كەتسەك، كەشە مەملەكەت باسشىسىنىڭ جارلىعىمەن ەربول قۋانتاي ۇلى مىرزابوسىنوۆ قازاقستان رەسپۋبليكاسىنىڭ تۋريزم جانە سپورت ءمينيسترى لاۋازىمىنا تاعايىندالدى.
سونداي-اق جاڭا ءمينيستردىڭ قىزمەت جولىنا شولۋ جاساعان ەدىك.
اۆتور
داۋلەت ىزتىلەۋ