تۋريستەرگە ارنالعان جادىناما: شەتەلدە ينفەكتسيالىق اۋرۋلاردان قالاي ساقتانۋعا بولادى

استانا. KAZINFORM - ق ر دەنساۋلىق ساقتاۋ مينيسترلىگى تۋريستىك ساپارلاردىڭ وسۋىنە بايلانىستى قازاقستانعا ءتان ەمەس قاۋىپتى ينفەكتسيالاردان ساقتانۋ تۋرالى ەسكەرتتى.

قاۋىپتىڭ جوعارىلاۋى قاي جەردە؟

قاۋىپتى وڭىرلەر: افريكا، وڭتۇستىك امەريكا، وڭتۇستىك- شىعىس ازيا- ىلعالدى كليماتقا جانە تروپيكالىق اۋرۋلاردىڭ جوعارى كونسەنتراتسياسىنا بايلانىستى:

- جوعارى جۇقپالىلىق

- اۋىر اعىم

- ەمدەۋدەگى قيىندىقتار

جۇقتىرۋ جولدارى:

* لاستانعان سۋ جانە تاماق

* ماسالاردىڭ شاعۋى

* ناۋقاستارمەن بايلانىس

* جىنىستىق جول

ينفەكتسيالاردىڭ پروفيلاكتيكاسى:

تىرىسقاققا قارسى (ءۇندىستان، افريكا، يەمەن جانە ت. ب. ):

* كۇماندى ساپاداعى سۋدى ىشپەۋ

* تەك بوتەلكەدەگى/قايناتىلعان سۋدى ءىشۋ

* كوكونىستەردى/جەمىستەردى جۋىپ، قايناعان سۋ قۇيۋ

* دارەتحانادان كەيىن، تاماقتانار الدىندا جانە ت. ب. قولىڭىزدى سابىنمەن جۋۋ.

بەزگەككە، دەنگەگە قارسى جانە ت. ب. (افريكا، ازيا، لاتىن امەريكاسى):

* جابىق كيىم كيۋ

* رەپەللەنتتەردى قولدانۋ

* موسكيت تورلارىن قويۋ

* فۋميگاتورلار مەن اەروزولدەردى قولدانۋ

ماڭىزدى:

اۋرۋدىڭ العاشقى بەلگىلەرى كەزىندە - ءوز بەتىنشە ەمدەلمەڭىز، دەرەۋ دارىگەرگە حابارلاسىڭىز!

فاكتىلەر مەن ستاتيستيكا:

* 17 وتكىزۋ پۋنكتى سانيتاريالىق- كارانتيندىك باقىلاۋمەن قامتاماسىز ەتىلگەن

* كۇن سايىن ق ر شەكاراسىنان 50000 ادام وتەدى

* 5-ايدا: 2,6 ميلليون ادام

 *انىقتالدى: تەمپەراتۋراسى بار 43 جولاۋشى - كومەك كورسەتىلدى

ساپار الدىنداعى كەڭەستەر:

* باراتىن ەلدەگى ەپيدەميولوگيالىق جاعدايدى زەرتتەڭىز

* دارىگەردەن پروفيلاكتيكالىق كونسۋلتاتسيا الىڭىز

* جولعا نەگىزگى قورعانىس جيىنتىعىن الىڭىز

جاۋاپتى بولىڭىز - ساياحاتتا دەنساۋلىعىڭىزدى ساقتاڭىز!

ايتا كەتەيىك، الاكولگە اعىلعان تۋريستەر اعىنىنا بايلانىستى جولدا قاۋىپسىزدىك شارالارى كۇشەيتىلدى.