تەرىنى جىلدام قارتايتاتىن زيان ادەت اتالدى

استانا. قازاقپارات - ۆەيپ نەمەسە ەلەكترون تەمەكىلەردى پايدالانۋ كوللاگەن ءوندىرىسىن ازايتادى، بۇل تەرىنىڭ سەرپىندىلىگىن جوعالتۋعا جانە جاسقا بايلانىستى وزگەرىستەردىڭ ەرتە پايدا بولۋىنا اكەپ سوقتىرادى. بۇل تۋرالى ۇلى بريتانيالىق دەرماتولوگ دجاستين حەكستولل تۋرالى ايتتى، - دەپ حابارلايدى Daily Mail.

دارىگەر قاراپايىم تەمەكىنىڭ ەرتە قارتايۋ مەن اجىمدەردىڭ پايدا بولۋىنا اسەر ەتەتىنىن ايتىپ، ۆەيپتىڭ زيانى ودان ارتىق بولماسا، كەم ەمەسىن ەسكەرتتى.

دەرماتولوگتىڭ ايتۋىنشا، ەلەكترون تەمەكىدەگى نيكوتين قان تامىرلارىن تارىلتادى جانە جۇتىلعان كەزدە تەرىگە قان اعىمىن ازايتادى. قان اعىمىنىڭ ناشارلاۋىنا بايلانىستى جاسۋشالارعا وتتەگى مەن ماڭىزدى قورەكتىك زاتتار از تۇسەدى. بۇل تەرىنىڭ سىرتقى كۇيىن ناشارلاتۋى مۇمكىن.

دجاستين حەكستولل نيكوتين كوللاگەن ءوندىرىسىن تومەندەتەتىنىن ايتتى. بۇل ادام اعزاسىنداعى بارلىق دانەكەر تىندەردىڭ - سۇيەكتەردىڭ، سىڭىرلەردىڭ، شەمىرشەكتەردىڭ، بايلامداردىڭ، تامىرلاردىڭ، تەرىنىڭ بەرىكتىگى مەن سەرپىندىلىگىن قامتاماسىز ەتەتىن ءجىپ ءتارىزدى اقۋىز.

اعزاعا كوللاگەن جەتىسپەسە، تەرى سەرپىندىلىگىن جوعالتادى جانە اجىمدەرگە بەيىم بولادى.