تۇرىكمەنستاننان قىزاناق اكەلۋگە تىيىم سالىندى

ازەربايجان تۇرىكمەنستاننان قىزاناق يمپورتتاۋعا قاۋىپتى ۆيرۋسقا بايلانىستى تىيىم سالدى، دەپ حابارلادى turkystan.kz.

ازەربايجان رەسپۋبليكاسىنىڭ ازىق-تۇلىك قاۋىپسىزدىگى اگەنتتىگى (ا پ ب ا) جۇرگىزگەن باقىلاۋ شارالارى اياسىندا تۇرىكمەنستاننان اكەلىنگەن قىزاناقتاردىڭ ۇلگىلەرى الىنىپ، زەرتحاناعا جىبەرىلگەن.

Oxu.Az اگەنتتىگىنىڭ ا پ ب ا-عا سىلتەمە جاساپ حابارلاۋىنشا، زەرتحانالىق زەرتتەۋلەر ناتيجەسىندە ءونىمنىڭ 11 پارتياسىنان قىزاناقتىڭ قوڭىر ءاجىمدى جەمىس ۆيرۋسى (Tomato brown rugose fruit virus) تابىلعان.

وسىعان بايلانىستى بۇل ونىمدەردىڭ كەدەن اۋماعىنان شىعارىلۋى نەمەسە جويىلۋى تۋرالى شەشىم قابىلداندى. قازىرگى ۋاقىتتا زاڭناماعا سايكەس ءتيىستى شارالار قابىلدانىپ، تۇرىكمەنستاننان قىزاناق اكەلۋگە ۋاقىتشا تىيىم ەنگىزىلدى. ۆيرۋس انىقتالعان شارۋاشىلىقتا ساۋىقتىرۋ شارالارىن جۇرگىزۋ قاجەتتىگى تۋرالى تۇرىكمەنستاننىڭ ءتيىستى ورگانىنا حابارلاما جولداندى.

قوڭىر ءاجىمدى ۆيرۋس نەگىزىنەن قىزاناق، باكلاجان، بۇرىش، تەمەكى سياقتى وسىمدىكتەردى زاقىمدايدى. جۇعۋ دەڭگەيىنە قاراي قىزاناق شارۋاشىلىقتارىندا ءونىمنىڭ 0-70 ىنا دەيىن جوعالۋىنا اكەلۋى مۇمكىن. بۇل ۆيرۋس ءونىمنىڭ ساپاسىن جانە ساقتاۋ مەرزىمىن تومەندەتەدى. ول حالىقارالىق ساۋدادا جانە ەل ىشىندە كوشەت، وسىمدىك بولىكتەرى مەن جەمىستەر ارقىلى تارالادى. مەحانيكالىق جولمەن تارالۋى ۆيرۋستىڭ كەڭ اۋماققا جۇعۋىنا اسەر ەتەدى.