تۇرىكمەنستان مەن تاجىكستاننىڭ سىرتقى ىستەر مينيسترلىكتەرى «ءبىر قىتاي» قاعيداتىن قولدادى

استانا. KAZINFORM - تۇرىكمەنستان مەن قىتايدىڭ سىرتقى ساياسات ۆەدومستۆولارى تايۆاندا وتكەن سايلاۋعا قاتىستى ءوز ۇستانىمىن ءبىلدىردى.

«تۇراقتى بەيتاراپتىق مارتەبەسىنە يە تۇرىكمەنستان ءوزىنىڭ سىرتقى ساياساتىن حالىقارالىق قۇقىق نورمالارىن قاتاڭ ساقتاي وتىرىپ جۇرگىزەدى.

نەگىزگى قاعيداتتارىنىڭ ءبىرى مەملەكەتتەردىڭ اۋماقتىق تۇتاستىعىن قۇرمەتتەۋ بولعان بىرىككەن ۇلتتار ۇيىمىنىڭ جارعىسىنا سۇيەنە وتىرىپ، تۇرىكمەنستان «ءبىر قىتاي» قاعيداتىن تولىق قولداپ، قىتاي حالىق رەسپۋبليكاسىنىڭ ۇكىمەتى بۇكىل قىتايدىڭ جالعىز زاڭدى ۇكىمەتى ەكەنىن راستايدى»، - دەپ حابارلادى تۇرىكمەنستان سىرتقى ىستەر مينيسترلىگىنەن.

ءدال وسىنداي ۇستانىمدى تاجىكستان س ءى م دە ءبىلدىردى.

«2024-جىلدىڭ 13- قاڭتارىندا قىتاي تايۆانىندا وتكەن سايلاۋعا بايلانىستى تاجىكستان «ءبىر قىتاي» ساياساتىن تاباندى تۇردە قولداپ، قىتاي حالىق رەسپۋبليكاسىنىڭ ۇكىمەتىن بۇكىل قىتايدىڭ جالعىز زاڭدى جانە وكىلەتتى ۇكىمەتى دەپ سانايدى. تاجىكستان تايۆاندى قىتاي اۋماعىنىڭ اجىراماس بولىگى رەتىندە تاني وتىرىپ، وسى دوستاس ەلدىڭ ىشكى ىستەرىنە سىرتتان ارالاسۋ ارەكەتتەرىنە تاباندى تۇردە قارسى»، - دەپ قورىتىندىلادى ۆەدومستۆودان.

ەسكە سالا كەتسەك، 13- قاڭتاردا تايۆاندا پرەزيدەنت سايلاۋى ءوتتى. ونىڭ قورىتىندىلارى بويىنشا بيلىكتەگى دەموكراتيالىق پروگرەسسيۆتى پارتيانىڭ (د پ پ) كانديداتى لاي تسيندە جەڭىسكە جەتتى. ءداستۇرلى تۇردە ارالدىڭ تولىق تاۋەلسىزدىگىن جاقتايتىن لاي @,1 داۋىس جينادى. و س ك مالىمەتىنشە، سايلاۋعا قاتىسۋشىلار ۇلەسى 69,8 پايىزدى قۇرادى.

ءبىرقاتار ەل بۇل ماسەلەگە قاتىستى ءوز ۇستانىمدارىن ءبىلدىرىپ ۇلگەردى. قازاقستان مەن ازەربايجان قىتايدىڭ تۇتاستىعىن قولدايتىنىن مالىمدەدى.