تەرى مەن ءجۇن ەكسپورتىنا باج سالىعى سالىنبايدى

استانا. قازاقپارات - ەندى تەرى مەن ءجۇن ەكسپورتىنا باج سالىعى سالىنبايدى. بۇعان دەيىن مال تەرىسىنىڭ ءبىر تونناسىنا 200 ەۋرو، ءجۇننىڭ تونناسىنا كەمىندە 50 ەۋرو باج سالىعى سالىنىپ كەلگەن ەدى. جاڭا ەرەجە ءۇش جىل مەرزىمگە ەنگىزىلىپ وتىر. كەيىن قايتا قارالۋى مۇمكىن.

اۋىل شارۋاشىلىعى مينيسترلىگىنىڭ اقپاراتىنا سۇيەنسەك، كاسىپورىنداردى قولداۋ ماقساتىندا وڭدەۋگە وتكىزىلگەن شيكىزاتقا سۋبسيديا بەرۋ شارالارى قاراستىرىلىپ جاتىر. ءبىراق تەرى مەن جۇنگە ەل ىشىندە سۇرانىس تومەن. شيكىزاتتىڭ باسىم بولىگى كادەگە جارامايدى. ال باج سالىعىنىڭ جويىلۋى ەكسپورتتى جانداندىرۋعا ءتيىس.

ق ر اۋىل شارۋاشىلىعى مينيسترلىگى:

- تەرى مەن جۇنگە سالىناتىن ەكسپورتتىق باج سالىعىن الىپ تاستاۋ ءىرى قارا جانە ۇساق مال وسىرەتىن فەرمەرلەردىڭ قالدىقتاردى جويۋعا جۇمسالاتىن شىعىندارىن ازايتۋعا، وندىرىستىك تىزبەكتى دامىتۋعا جانە وتكىزۋ نارىقتارىن كەڭەيتۋگە ىقپال ەتەدى. سونداي- اق اۋىلشارۋاشىلىعى شيكىزاتىن وندىرەتىن جانە ەكسپورتتايتىن وتاندىق كاسىپكەرلەردىڭ باسەكەگە قابىلەتتىلىگىن ارتتىرادى.