پەتروپاۆلدا قوقىس تاسيتىن جۇرگىزۋشىلەرگە ەڭ جوعارى جالاقى تولەنەدى

پەتروپاۆلدا كوپ جىلدان بەرى قوقىس شىعارۋ ماسەلەسى شەشىلمەي كەلە جاتىر. جاڭا جىل قارساڭىندا قالا اكىمدىگى قوقىس شىعاراتىن مەردىگەرلەردەن بۇل ماسەلەنى شەشۋدى تالاپ ەتتى.

Kazinform بۇل تۋرالى Petropavlovsk.news-كە سىلتەمە جاساپ حابارلايدى.
وسىعان وراي قوقىس تاسيتىن كولىك جۇرگىزۋشىلەرىنە، ستاتيستيكا دەپارتامەنتىنىڭ مالىمەتى بويىنشا ورتاشا ەسەپتەن اساتىن - 350 مىڭ تەڭگە جالاقى ۇسىنىلدى.

الەۋمەتتىك جەلىدەگى توپتاردىڭ بىرىندە «كوممۋنسەرۆيسكە» قوقىس شىعاراتىن كولىك جۇرگىزۋشىسى كەرەكتىگى، وعان 350 مىڭ تەڭگە جالاقى ۇسىنىلاتىنى تۋرالى حابارلاندىرۋ جاريالاندى.

2 اپتا بۇرىن قوقىس شىعارۋمەن اينالىساتىن ميۋلسەرۆيس كومپانياسى قوقىس تاسيتىن كولىك جۇرگىزۋشىلەرىنە ايىنا 300 مىڭ تەڭگە جالاقى ۇسىناتىنىن حابارلادى.
اۆتور
ەركەجان سماعۇلوۆا