پەتروپاۆلدا كەي مەكتەپتەردە جاساندى ينتەللەكت قولدانىلىپ جاتىر
پەتروپاۆل. KAZINFORM - پەتروپاۆلدا مەكتەپ ۇستازدارى زامان اعىمىنان قالماي، جاڭا تەحنولوگيانى ءوز ساباقتارىنا ەنگىزىپ جاتىر. جاساندى ينتەللەكتىنى ءبىلىم بەرۋدە قولدانىپ جۇرگەن مۇعالىمنىڭ ءبىرى - ەكاتەرينا ستاتسەنكو.
جاس ۇستاز پەتروپاۆلداعى № 9-ورتا مەكتەپتە باستاۋىش سىنىپتا ساباق بەرەدى.
ەكاتەرينا ستاتسەنكونىڭ ايتۋىنشا، نەيروجەلى ونىڭ جۇمىسىن ءبىرشاما جەڭىلدەتكەن. وقىتۋ ماتەريالدارىن جاساندى ينتەللەكتىنىڭ كومەگىمەن ءار وقۋشىنىڭ ەرەكشەلىگىن ەسكەرىپ، بەيىمدەۋگە بولادى.
سونىڭ ىشىندە بالالارعا وزىندىك جۇمىس رەتىندە تاراتىلاتىن كارتالاردىڭ بۇكىل مازمۇنىن قۇراستىرىپ بەرەدى. بۇل - ءبىلىمدى تەز ۇعۋعا جانە بالانىڭ وقۋعا دەگەن قىزىعۋشىلىعىن جوعالتپاۋعا سەپ.
«مەكتەپتە جۇمىس ىستەپ جاتقانىما 5 جىل. سونداي-اق ەكى جىلدان بەرى ديرەكتوردىڭ عىلىمي- ادىستەمە جۇمىسى جونىنەن ورىنباسارىمىن. ساباعىمدى قىزىقتى ەتىپ وتكىزۋگە تىرىسامىن، سوندىقتان سوڭعى كەزدە جاساندى ينتەللەكتىنى ءجيى قولدانىپ ءجۇرمىن. مىسالى، وقۋشى ولەڭدى جاقسى ءتۇسىنۋى ءۇشىن نەيروجەلىنىڭ كومەگىمەن وعان سۋرەتتەمە جاسالادى. جاساندى ينتەللەكتىنى تەك ادەبيەت ساباعىندا عانا ەمەس، باسقا پاندەرگە دە قولدانامىن. ءبىراق، بالالارعا بەرمەس بۇرىن تەكسەرىپ، كەيدە ازداپ تۇزەتىپ جاتامىن. ويتكەنى نەيروجەلى دە كەيدە ورفوگرافيالىق قاتەلىكتەر جىبەرەدى، كەيدە بالانىڭ جاسىن ەسكەرمەيدى. ءبىز وقيتىن باعدارلاماعا سايكەس كەلمەيتىن كەزدەر دە بولادى»، - دەيدى باستاۋىش سىنىپ مۇعالىمى.
ۇستازدىڭ ايتۋىنشا، جاساندى ينتەللەكت مۇعالىمدى تولىق الماستىرا المايدى. ويتكەنى ۇستاز - وقۋشىعا ءبىلىم بەرىپ قانا قويماي، پسيحولوگتىڭ، تاربيەشىنىڭ، كەيدە سىرلاس دوستىڭ ءرولىن قاتار اتقارادى.
«بالانى جاقسى كورمەيتىن ادام مۇعالىم بولا المايدى. مەن ءۇشىن الدىمداعى ءار وقۋشىمنىڭ ورنى بولەك. نەيروجەلىنى قولدانۋ ارقىلى ولاردىڭ ساباققا دەگەن قىزىعۋشىلىعى ارتتى، ەرتەڭ نە بولار ەكەن دەپ مەكتەپكە اسىعىپ تۇراتىن بولدى»، - دەيدى ۇستاز.
ەكاتەرينا ستاتسەنكو ماماندىقتىڭ شىڭىنا جەتۋ ءۇشىن ۇنەمى ىزدەنىستە بولۋ كەرەك دەگەن پىكىردە.
«جاساندى ينتەللەكت تۋرالى قازىر اقپارات كوپ، باستاپقىدا ءوزىم ينتەرنەتتە قولجەتىمدى اقپاراتپەن تانىسىپ، قولدانىپ ۇيرەندىم. كەيىن ءوز ساباقتارىندا وسى نەيروجەلىنى قولدانىپ جۇرگەن ۇستازداردىڭ ۆەبينارلارىنا قاتىستىم. ءالى دە ۇيرەنەرىم كوپ»، - دەيدى باستاۋىش سىنىپ مۇعالىمى ەكاتەرينا ستاتسەنكو.
ايتا كەتەيىك، 5-قازاندا قازاقستاندا ۇستازدار كۇنى اتالىپ وتەدى.
بىلتىر العاش رەت مۇعالىمدەر كۇنى مەرەكەسى 5-قازاندا مەرەكەلەندى. ءتيىستى قاۋلىنى ق ر ۇكىمەتى بيىل 10-ناۋرىزدا قابىلداعان بولاتىن ەدى.
مەملەكەتتىك مەرەكەلەر تىزىمىنە سايكەس، وسى ۋاقىتقا دەيىن رەسپۋبليكادا مۇعالىمدەر كۇنى قازان ايىنىڭ ءبىرىنشى جەكسەنبىسىندە تويلانىپ كەلدى.
ەندى بۇل مەرەكە 5-قازاندا الەمنىڭ 100 دەن استام ەلى اتاپ وتەتىن دۇنيەجۇزىلىك مۇعالىمدەر كۇنىمەن سايكەستەندىرىلدى.
اۆتور
اقەركە داۋرەنبەك قىزى