پەتروپاۆلدا جىگىتتى پىشاقتاعان مەكتەپ وقۋشىسىنا سوت ۇكىمى شىقتى

پەتروپاۆل. KAZINFORM - پەتروپاۆل قالالىق سوتى 19 جاستاعى جىگىتتى پىشاقتاعان № 44-ورتا مەكتەپتىڭ وقۋشىسىنا قاتىستى ۇكىم شىعاردى. بوزبالا 3,5 جىلعا باس بوستاندىعىنان ايىرىلدى.

وقيعا مامىر ايىندا پەتروپاۆل قالاسىنداعى № 44-ورتا مەكتەپتىڭ اۋماعىندا بولعان. 18 جاستاعى س. دەگەن مەكتەپ وقۋشىسى ق.-مەن توبەلەسىپ، ونىڭ ىشىنە پىشاق سۇعىپ العان. سالدارىنان 19 جاستاعى جىگىتتىڭ اسقازانى مەن ۇيقى بەزى زاقىمدانىپ، اۋىر جاراقات الدى.

پروكۋرور س.-عا 3 جىل 6 ايعا باس بوستاندىعىنان ايىرۋ تۇرىندەگى جازا تاعايىنداۋدى سۇرادى. سوتتالۋشى كىناسىن تولىق مويىنداپ، ىستەگەن ىسىنە وكىندى. مۇنى سوت ەسەپكە الىپ، جازانى جەڭىلدەتەتىن ءمان-جاي رەتىندە قارادى.

«سوت جازا تاعايىنداۋ كەزىندە س.-نىڭ جاساعان ارەكەتىنىڭ اۋىرلىعى مەن قوعامعا قاۋىپتىلىگىن، ونىڭ جەكە باسىن، بۇرىن سوتتالعان جانە باس بوستاندىعىن شەكتەۋ جازاسىن وتەۋ كەزىندە قىلمىس جاساعانىن ەسكەردى.

ەستەرىڭىزگە سالايىق، وقيعا بيىل 15-مامىردا بولعان ەدى. پەتروپاۆلداعى № 44-ورتا مەكتەپتىڭ وقۋشىسى اۋلادا 19 جاستاعى جىگىتكە بىرنەشە جەردەن پىشاق سۇقتى. سالدارىنان بوزبالا اۋرۋحاناعا ءتۇسىپ، وتا جاسالدى.

سوت ۇكىمىمەن س. ق ر قىلمىستىق كودەكستىڭ 106-بابىنىڭ 1-بولىگىمەن 3 جىلعا باس بوستاندىعىنان ايىرىلدى. ۇكىمدەردىڭ جيىنتىعى بويىنشا س.-عا 3 جىل 6 ايعا باس بوستاندىعىنان ايىرۋ جازاسى كەسىلدى»، - دەلىنگەن باسپا ءسوز حابارلاماسىندا.

سوتتالعان وقۋشى جازاسىن قىلمىستىق-اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەمەك.

ۇكىم زاڭدى كۇشىنە ەنگەن جوق.

ەستەرىڭىزگە سالايىق، وقيعا بيىل 15-مامىردا بولعان ەدى. پەتروپاۆلداعى №44-ورتا مەكتەپتىڭ وقۋشىسى اۋلادا 19 جاستاعى جىگىتكە بىرنەشە جەردەن پىشاق سۇقتى. سالدارىنان بوزبالا اۋرۋحاناعا ءتۇسىپ، وتا جاسالدى.

اۆتور
اقەركە داۋرەنبەك قىزى