پەتروپاۆلدا جاتاقحانادا سينتەتيكالىق ەسىرتكى ساتىپ كەلگەن ايەل ۇستالدى
پەتروپاۆلدىڭ 47 جاستاعى تۇرعىنى جاتاقحاناداعى بولمەسىندە سينتەتيكالىق ەسىرتكى ساتتى دەگەن كۇدىكپەن ۇستالدى. ەندى ول 10 جىلعا دەيىن باس بوستاندىعىنان ايىرىلۋى مۇمكىن، دەپ حابارلايدى Kazinform.
سولتۇستىك قازاقستان وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، كۇدىكتى ايەل وبلىس ورتالىعىنداعى جاتاقحانالاردىڭ بىرىندە ەسىرتكى ساتىپ قانا قويماي، ونى سول جەردە قولدانۋعا رۇقسات بەرگەن. «بيزنەستى» ءتورتىنشى سىنىپتا وقيتىن، وزىمەن تۇراتىن قىزىنىڭ كوزىنشە جۇرگىزگەن. پوليتسياعا بۇل جاعداي تۋرالى كورشىلەرى حابارلاعان ەكەن.
سقو پد ەسىرتكى قىلمىسىنا قارسى ءىس- قيمىل باسقارماسىنىڭ قىزمەتكەرلەرى اقپاراتتى تەكسەردى. 47 جاستاعى قالا تۇرعىنى «تۇز» دەگەن اتاۋمەن بەلگىلى α- PvP ەسىرتكىسىنىڭ ءتورت تۇيىنشەگىمەن ۇستالدى.
«اتالعان فاكتى ق ر قىلمىستىق كودەكسىنىڭ 297-بابى «ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ» بويىنشا سوتقا دەيىنگى تەرگەپ- تەكسەرۋلەردىڭ ءبىرىڭعاي تىزىلىمىنە تىركەلدى. باپتىڭ سانكتسياسى 10 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى. كۇدىكتى كۇزەتپەن قاماۋعا الىندى»، - دەيدى ەسىرتكى قىلمىسىنا قارسى ءىس- قيمىل باسقارماسىنىڭ باستىعى رۋسلان ساپاروۆ.
قىز بالا قازىر اجەسىمەن تۇرىپ جاتىر. زەينەتكەر جيەنىن جاقىندا قامقورلىعىنا الۋدى جوسپارلاپ وتىر.
جالپى، س ق و- دا 11 ايدىڭ ىشىندە ەسىرتكى وتكىزۋدىڭ 104 فاكتىسى تىركەلدى.