تەرروريزممەن كۇرەس جونىندەگى جەدەل شتاب ورالدىقتارعا ەسكەرتۋ جاسادى

استانا. KAZINFORM - باتىس قازاقستان وبلىستىق تەرروريزمگە قارسى جەدەل شتابى ورال تۇرعىندارىنا ۇندەۋ جولدادى.

«بيىل 21-تامىزدا ورال قالاسىنىڭ اۋماعىندا تەرروريزمگە قارسى كۇرەس جونىندەگى باتىس قازاقستان وبلىستىق جەدەل شتابىنىڭ قولداۋىمەن تەرروريزمگە قارسى جوسپارلى جەدەل-تاكتيكالىق وقۋ-جاتتىعۋلار وتكىزىلەدى»، - دەلىنگەن حابارلامادا.

وقۋ-جاتتىعۋلارعا بايلانىستى 15:00 دەن 18:00 گە دەيىن دەركول كەنتىنىڭ اۋدانىندا اۆتوكولىكتەر مەن حالىقتىڭ قوزعالىسى شەكتەلەدى.

ورال تۇرعىندارى مەن قوناقتارىنان قوزعالىس مارشرۋتتارىن الدىن الا تۇزەتۋدى، تىنىشتىقتى ساقتاۋدى جانە قۇقىقتىق ءتارتىپ قىزمەتكەرلەرىنىڭ زاڭدى تالاپتارىن ورىنداۋدى سۇرادى.