تەرروريستىك ارەكەتتەر ۇيىمداستىرعان دەگەن كۇدىكپەن 5 ادام ۇستالدى، بىرەۋى شەتەلدىك
شىلدەدە استانا، شىمكەنت قالالارىندا، اتىراۋ، جامبىل وبلىستارىندا ۇ ق ك پروكۋراتۋرانىڭ ۇيلەستىرۋىمەن جانە پوليتسيا كومەگىمەن ءدىني راديكالداردىڭ ارەكەتتەرىنىڭ جولىن كەسۋ بويىنشا ءىس-شارا وتكىزدى.
«جەدەل قىزمەتكەرلەر تەرروريستىك ارەكەتتەرگە قاتىسۋعا، تەرروريزمدى ناسيحاتتاۋعا، ەكسترەميستىك ارەكەتتەردى ۇيىمداستىرۋعا جانە وسى ماقساتتا ادامداردى تارتۋعا كۇدىكتى رەتىندە قازاقستاننىڭ 4 ازاماتىن مەن 1 شەتەلدىكتى ۇستادى جانە قاماۋعا الدى»، - دەپ جازدى ۆەدومستۆودان.
ولاردىڭ تۇرعىلىقتى جەرىنەن كوپتەگەن ءدىني-ەكسترەميستىك ادەبيەتتەر مەن وزگە دە زاتتاي دالەلدەمەلەر الىندى.
ايتا كەتۋ كەرەك، كۇدىكتىلەردىڭ ءبىرى بۇعان دەيىن شەت مەملەكەتتىڭ اۋماعىندا سوعىس ارەكەتتەرىنە قاتىسىپ، سول ءۇشىن قازاقستاندا سوتتالعان بولاتىن.
تاعى ەكەۋىنە قاتىستى «اۋىر» ەسىرتكىنى ۇنەمى قولدانعانى تۋرالى اقپارات تەكسەرىلۋدە.
قىلمىستىق كودەكستىڭ 256، 257، 259 جانە 405-باپتارى بويىنشا سوتقا دەيىنگى تەرگەپ-تەكسەرۋ جۇرگىزىلۋدە.
قىلمىستىق-پروتسەستىك كودەكستىڭ 201-بابىنىڭ 1-بولىگىنە سايكەس وزگە دە اقپارات جاريا ەتىلۋگە جاتپايدى.
اۆتور
اسحات رايقۇل