تۇرمىستىق زورلىق-زومبىلىق ءۇشىن جازا كۇشەيتىلدى

  قازاقستاندا وتباسىن ويران ەتىپ، جانۇيانىڭ شىرقىن بۇزاتىندارعا جاۋاپكەرشىلىك كۇشەيدى.

بىلتىرعى جىلدىڭ التى ايىندا پوليتسەيلەر تۇرمىستىق زورلىق-زومبىلىق فاكتىلەرى بويىنشا 50 مىڭ ارىز قاراعان. ناتيجەسىندە وتباسىنا ءزابىر كورسەتكەنى ءۇشىن قاماۋعا الىنعاندار سانى ەكى ەسە ارتقان. ايتا كەتەيىك، زاڭداعى تۇزەتۋلەردەن سوڭ پوليتسيا تۇرمىستىق قۇقىقبۇزۋشىلىقتاردى تىركەۋدىڭ دەتەكتيۆتىك سيپاتىنا كوشتى. بۇل دەر كەزىندە زاڭسىزدىقتىڭ جولىن كەسۋگە، سونىڭ ىشىندە كىسى ءولتىرۋ، باسقا دا وزبىرلىق ارەكەتتەردىڭ الدىن الۋعا كومەكتەسەدى. سونداي- اق سوتتارعا اگرەسسوردى پسيحولوگيالىق تۇزەتۋ ورتالىقتارىنا جىبەرۋ قۇقىعى بەرىلىپ وتىر.

اقمارال سەرىكبايەۆا، ق ر ءى ءى م اكىمشىلىك پوليتسيا كوميتەتىنىڭ اعا ينسپەكتورى:

- اكىمشىلىك قاماۋعا الىنعان ادامداردىڭ سانى ەكى ەسەگە ارتتى. سوتتا 27 مىڭنان استام ادام تاتۋلاستى. سونداي-اق مينيسترلىك زورلىق-زومبىلىققا ۇشىراعان وتباسىلارمەن پروفيلاكتيكالىق جۇمىستى جانداندىردى. جابىرلەنۋشىلەردىڭ قاۋىپسىزدىگىن قامتاماسىز ەتۋ ماقساتىندا 2023-جىلى 87 مىڭ قورعاۋ نۇسقاماسى شىعارىلدى. سونداي-اق قۇقىق بۇزۋشىنىڭ مىنەز-قۇلقىنا 15 مىڭ تالاپ بەلگىلەندى.

www.24.kz