تۇرمەدە 32 جىل جازىقسىز وتىرعان ادام تولىق اقتالدى

ريم. KAZINFORM - سوتتالۋشى تۇرمەدە وتىرعاندا ونىڭ ادۆوكاتى اۋىسقان. وسىدان كەيىن ءىس قايتا قارالدى، دەپ حابارلادى Euronews.

قۇقىق قورعاۋشىلار بۇل - يتاليانىڭ سوت جۇيەسى تاريحىنداعى ەڭ ۇلكەن قاتەلىك دەپ سانايدى.

سەنبىدە ريمنىڭ اپەللياتسيا سوتى 33 جىلعا جۋىق تۇرمەدە وتىرۋعا ءماجبۇر بولعان ادامدى تولىعىمەن اقتادى.

بەنيامينو زۋنكەددۋ 1991 -جىلى قاڭتاردا ساردينياداعى كالياري ماڭىنداعى سينناي كوممۋناسىندا ءۇش ادامدى ءولتىردى دەپ ايىپتالعاندا نەبارى 26 جاستا ەدى.

ەر ادام ءبىر ايدان كەيىن قاماۋعا الىندى، ويتكەنى شابۋىلدان امان قالعان كۋاگەردىڭ ءبىرى ونى تانىپ، ولتىرگەن وسى ادام دەپ كورسەتتى.

1992 -جىلى ماۋسىمدا نەگىزىنەن سول كۋاگەردىڭ سوزىنە سۇيەنە وتىرىپ، زۋنكەددۋ بۇل قىلمىسقا ەشقانداي قاتىسىم جوق دەسە دە، ءومىر بويىنا باس بوستاندىعىنان ايىرىلدى.

2017 -جىلى جاڭا قورعاۋشى ىستەن ءبىراز شيكىلىك تاپتى. ال كەيىنىرەك باستى كۋاگەر شابۋىل جاساعان ادامنىڭ بەت-الپەتىن كورمەگەنىن مويىنداپ، ءوز ايعاقتارىنان باس تارتتى.

ونىڭ ايتۋىنشا، پوليتسيا قىزمەتكەرلەرىنىڭ ءبىرى وعان قىلمىسكەر ءدال وسى زۋنكەددۋ دەپ ايتقان.

2023 -جىلدىڭ قاراشاسىندا بەنيامينو زۋنكەددۋ بوساتىلدى، ال 27-قاڭتاردا اپەللياتسيا سوتى ونىڭ كىناسىز ەكەنىن راستادى.

ال ساردينياداعى الگى ءۇش ادامدى كىم ولتىرگەنىن قۇقىق قورعاۋ ورگاندارى سول كۇيى تاپقان جوق.

اۆتور

جانات قاپالبايەۆا