تۇركىستاننان تەرىسكەيگە 300 گە جۋىق وتباسى قونىس اۋداردى
تۇركىستان. KAZINFORM - سولتۇستىك قازاقستان وبلىسىنىڭ «قانداستار مەن قونىس اۋدارۋشىلارعا ارنالعان اقپاراتتىق- ءتۇسىندىرۋ ورتالىعىنىڭ» جەتەكشىسى ءانۋار توقپان مەن «تاۋەكەل» قوعامدىق بىرلەستىگىنىڭ ءتوراعاسى بۋراحان داقانوۆ قاتىسۋىمەن تۇركىستان حالقىمەن كەزدەسۋ ءوتتى.
وڭتۇستىكتەن سولتۇستىككە كوشۋ جايى بويىنشا كەزدەسۋ سايرام اۋدانىندا ءوتتى. وندا سولتۇستىك قازاقستان وبلىسىنان كەلگەن وكىلدەرى كەڭ كولەمدى ءتۇسىندىرۋ جۇمىستارىن جۇرگىزدى. قانداستار جانە قونىس اۋدارۋشىلارعا اقپاراتتىق-ءتۇسىندىرۋ ورتالىعىنىڭ ديرەكتورى ءانۋار توقپان مەملەكەت تاراپىنان كورسەتىلەتىن ماتەريالدىق كومەك پەن قولداۋلار جايلى مالىمەت بەردى.
بوس جۇمىس ورىندارى، تۇرعىن ءۇي ماسەلەسى، كوتەرمە جاردەماقى سەكىلدى مەملەكەتتىك قولداۋلار بويىنشا تۇسىندىرمە جۇمىستارىن جۇرگىزدى. كوشۋگە نيەتتى ازاماتتار كوكەيىندەگى سۇراقتارىن قويىپ، ناقتى جاۋاپتار الدى.
جيىنعا قاتىسقان قوعام بەلسەندىسى، «تاۋەكەل» قوعامدىق بىرلەستىگىنىڭ ءتوراعاسى بۋراحان داقانوۆ تەرىسكەيدىڭ كليماتى، توپىراعى اۋىل شارۋاشىلىعى، ورمان- توعايى مال ۇستاۋ ءۇشىن ءتيىمدى ەكەندىگىن ءتۇسىندىردى.
سپيكەرلەر قويىلعان سۇراقتارعا جاۋاپ بەرىپ، وڭتۇستىك جۇرتىن جۇمىس كۇشى جەتىسپەيتىن وڭىرلەرگە كوشۋگە شاقىردى. سولتۇستىكتەن كەلگەن وكىلدەر ورداباسى اۋدانىنىڭ تۇرعىندارىمەن دە كەزدەستى.
بۇل شارانىڭ ماقساتى - قونىس اۋدارۋ ۇدەرىسىنە قاتىسقىسى كەلەتىن ازاماتتارعا قاجەتتى اقپاراتتى جەتكىزۋ، كوشى- قونعا بايلانىستى سۇراقتارعا جاۋاپ بەرۋ جانە ءوڭىرارالىق قونىس اۋدارۋ مۇمكىندىكتەرىن ءتۇسىندىرۋ.
كەزدەسۋ بارىسىندا قانداستار جانە قونىس اۋدارۋشىلارعا اقپاراتتىق-ءتۇسىندىرۋ ورتالىعىنىڭ ديرەكتورى ءانۋار توقپان تۇرعىندارعا ءوڭىرارالىق قونىس اۋدارۋدىڭ ارتىقشىلىقتارى، ونىڭ ىشىندە جاڭا مۇمكىندىكتەرگە جول اشۋ، تۇرعىن ءۇي ماسەلەلەرىن شەشۋ جانە الەۋمەتتىك قولداۋلار الۋعا مۇمكىندىك بارىسى بويىنشا كەڭ كولەمدى مالىمەت بەردى.
قوعام بەلسەندىسى، «تاۋەكەل» قوعامدىق بىرلەستىگىنىڭ ءتوراعاسى بۋراحان داقانوۆ تەرىسكەيدىڭ كليماتىن جانە اۋىل شارۋاشىلىعى ءۇشىن ءتيىمدى تۇستارى بويىنشا ايتىپ ءوتتى. سونىمەن قاتار «ءوڭىرارالىق قونىس اۋدارۋ» باعدارلاماسى حالىققا ۇلكەن قولداۋ كورسەتىپ، جاڭا ايماقتارعا بەيىمدەلۋىنە جاعداي جاسايتىندىعىن جەتكىزدى.
تەرىسكەيدەن كەلگەن وكىلدەر تۇرعىندار تاراپىنان قويىلعان سۇراقتارعا جاۋاپ بەرىپ، وڭتۇستىك جۇرتىن سولتۇستىك وڭىرلەرگە قونىس اۋدارۋعا شاقىردى.
سولتۇستىك قازاستان وبلىسىنان كەلگەن كوشى-قون توبى ارىس قالاسى تۇرعىندارىمەن دە كەزدەستى.
كەزدەسۋگە كەلگەن ارىس قالاسى تۇرعىندارىنىڭ قويعان ساۋالدارى تۇراقتى جۇمىس ورىندارى، تۇرعىن ءۇي، ينفراقۇرىلىم باعىتىندا بولدى.
قانداستار جانە قونىس اۋدارۋشىلارعا اقپاراتتىق-ءتۇسىندىرۋ ورتالىعىنىڭ ديرەكتورى ءانۋار توقپان، قوعام بەلسەندىسى، «تاۋەكەل» قوعامدىق بىرلەستىگىنىڭ ءتوراعاسى بۋراحان داقانوۆ قويىلعان سۇراقتارعا جاۋاپ بەرىپ، وڭتۇستىك جۇرتىن جۇمىس كۇشى جەتىسپەيتىن وڭىرلەرگە كوشۋگە شاقىردى.
«سولتۇستىككە كوش» ناسيحات توبى تۇركىستان قالاسىنىڭ تۇرعىندارىمەن دە كەزدەستى.
شارا باراسىندا ەلىمىزدىڭ سولتۇستىك وڭىرلەرىنە قونىس اۋدارۋعا نيەتتى وڭتۇستىك تۇرعىندارىنا قاجەتتى اقپاراتتارمەن ءبولىستى. سونىمەن قاتار ءوڭىرارالىق قونىس اۋدارۋدىڭ ارتىقشىلىقتارى، ونىڭ ىشىندە تۇرعىن ءۇي مەن الەۋمەتتىك قولداۋلار الۋدىڭ مۇمكىندىكتەرى ءتۇسىندىرىلدى.
ايتا كەتەيىك، بيىلعى جىلدىڭ ون ايىندا تۇركىستان وبلىسىنان 288 وتباسىدان 1116 ادام تەرىسكەيگە قونىس اۋدارعان. ناقتى كورسەتسەك، شىعىس قازاقستان وبلىسىنا - 18 وتباسى (71 ادام)، قوستاناي وبلىسىنا - 18 وتباسى (71 ادام)، پاۆلودار وبلىسىنا 127 وتباسى (592 ادام)، سولتۇستىك قازاقستان وبلىسى - 110 وتباسى (318 ادام)، قاراعاندى وبلىسىنا 2 وتباسى (11 ادام)، اباي وبلىسىنا 8 وتباسى (23 ادام)، ۇلىتاۋ وبلىسىنا 5 وتباسى (30 ادام). جالپى ەلىمىز بويىنشا 3494 قونىس اۋدارعانداردىڭ 2 ى تۇركىستان وبلىسىنىڭ ۇلەسىندە. ولاردىڭ ىشىندە ەڭبەككە جارامدى 538 ادامنىڭ 304 ءى جۇمىسقا ورنالاسقان.
جالپى، 2015 -جىلدان بەرى جۇمىس كۇشى از سولتۇستىك وڭىرلەرىنە حالقى تىعىز ورنالاسقان وڭتۇستىك ايماقتارىنان ازاماتتاردى كوشىرۋ جۇمىستارى ناتيجەسىندە، وبلىسىمىزدان 2015 -جىلدان بۇگىنگە دەيىن 14874 ادام نەمەسە 3358 وتباسى قونىس اۋدارعان.