تۇركىستاننان ءابۋ-دابيگە 20000 تەڭگەمەن بارۋعا بولادى
تۇركىستاننان ابۋ-دابيگە جاڭا اۋە رەيسى اشىلدى، دەپ حابارلايدى Kazinform.
باعاسى قولجەتىمدى بيلەتتەر 2023-جىلدىڭ قاراشا ايىنان باستاپ wizzair.com سايتى مەن موبيلدى قوسىمشاسىندا ساتىلىمعا شىققان. باعاسى - 19 مىڭ تەڭگە شاماسىندا. بۇل ب ا ءا- ءنىڭ 159 ديرحامىنا تەڭ.
ۇشاق تۇركىستان قالاسىنان ءابۋ-دابيگە 16- قاڭتاردان باستاپ ۇشادى. رەيستەر اپتاسىنا 3 رەت - سەيسەنبى، بەيسەنبى، سەنبى كۇندەرى زاماناۋي «AirBus 321» جانە «A321 ceo» ۇشاقتارى ارقىلى ورىندالادى. تۇركىستان اۋەجايىنىڭ ماماندارى ۇسىنعان مالىمەتكە سۇيەنسەك، قازىرگى كەزدە ءبىرىنشى رەيسكە 168 اۋە بيلەتى ساتىلعان.
جولاۋشىلار رەيستى ۇشۋ ۋاقىتىنان 3 ساعات بۇرىن ەشقانداي كوميسسياسىز وزگەرتە الادى. اتالعان باعىتتا ۇشۋ ۋاقىتى - 3 ساعات.
جاڭا باعىت قوس قالا تۇرعىندارى مەن قوناقتارى ءۇشىن تۋريستىك مۇمكىندىكتەردى كەڭەيتەدى.
ايتا كەتەيىك، قازىرگى تاڭدا تۇركىستان حالىقارالىق اۋەجايى ىستامبۇل جانە ەل-كۋۆەيت جانە ەلىمىزدىڭ استانا، الماتى، اقتاۋ، اقتوبە، ورال جانە قاراعاندى اۋە باعىتتارىنا قىزمەت كورسەتىپ كەلەدى.
ەسكە سالا كەتەيىك، بۇدان الدىن 16- قاڭتاردان باستاپ «تۇركىستان- ءابۋ-دابي» اۋە باعىتى اشىلاتىنىن جازعان بولاتىنبىز.