تۇركىستان قالاسىندا شاقىرتۋعا بارعان مەديتسينا قىزمەتكەرىنە كۇش قولدانۋ فاكتىسى بويىنشا قىلمىستىق ءىس قوزعالدى. بۇگىندە كۇدىكتى ۋاقىتشا ۇستاۋ اباقتىسىنا قامالدى.
تۇركىستان وبلىستىق پوليتسيا دەپارتامەنتىنىڭ مالىمەتىنە سۇيەنسەك، بولعان وقيعانىڭ بارلىق ءمان-جايىن انىقتاۋعا باعىتتالعان قاجەتتى ءىس-شارالار جۇرگىزىلىپ جاتىر. تەرگەۋ ناتيجەسىمەن زاڭدى شەشىم قابىلداناتىن بولادى.
- پوليتسيا «زاڭ مەن ءتارتىپ» قاعيداتىن ىسكە اسىرۋ اياسىندا قۇقىققا قايشى ارەكەتتەر ءۇشىن جازانىڭ بۇلتارتپاستىعى قامتاماسىز ەتىلەتىنىن اتاپ كورسەتەدى. قىلمىستىق ءىس پوليتسيا دەپارتامەنتى باسشىلىعىنىڭ باقىلاۋىندا، - دەلىنگەن تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
ايتا كەتەيىك، بۇدان بۇرىن تۇركىستان وبلىسىندا قارجىلىق پيراميدا قۇرعاندار سوتتالعانىن جازعان بولاتىنبىز.