تۇركىستان وبلىسىندا تۇتقىندار بۇلىك شىعاردى
تۇركىستان. KAZINFORM- قاماۋ رەجيمىمەن كەلىسپەگەن تۇتقىندار ارەكەتى سالدارىنان ۇلتتىق ۇلاننىڭ ەكى اسكەري قىزمەتشىسى مەن ق ا ج د ءبىر قىزمەتكەرى دەنە جاراقات الدى. ولارعا مەديتسينالىق كومەك كورسەتىلدى.
قىلمىستىق اتقارۋ جۇيەسى كوميتەتىنىڭ مالىمەتىنشە، قازىرگى ۋاقىتتا جاعداي تۇراقتالعان. اتالعان فاكتى بويىنشا ق ر ق ك 428-بابىنىڭ 3-بولىگى بويىنشا قىلمىستىق ءىس قوزعالدى.
«تۇركىستان وبلىسىنىڭ مەكەمەسىندە سوتتالعانداردىڭ ءبىر بولىگى ۇستاۋ رەجيمىمەن كەلىسپەۋىنە بايلانىستى باعىنباۋشىلىعىن ءبىلدىردى. مەكەمەدە ق ا ج ك ءتوراعاسى، ق ا ج د جانە ۇلتتىق ۇلاننىڭ باسشىلىعى، جەكە قۇرامى، سونداي-اق قاداعالاۋ ورگاندارى جۇمىس ىستەپ جاتىر»، - دەلىنگەن ۆەدومستۆا اقپاراتىندا.
بۇعان دەيىن تۇركىستان وبلىسىندا وقۋشى قىز بەن اناسىن ءولتىرىپ كەتكەنىن جازعان بولاتىنبىز.
اۆتور
قايرات زاينيشيەۆ