سالا ماماندارىنىڭ سوزىنە سۇيەنسەك، اتالعان وسىمدىكتەردى پايدالانۋعا تىيىم سالىنباعان.
دەگەنمەن، ساسىق كەۋرەك پەن جالاڭاش ميانىڭ جويىلۋى جەردىڭ توزۋىنا، قۇمنىڭ كوشۋىنە الىپ كەلەدى.
سول سەبەپتەن مەملەكەتتىڭ مۇددەسىن قورعاۋ ماقساتىندا وڭىردە جابايى وسىمدىكتەردى پايدالانۋ قۇقىعىن شەكتەۋ جونىندە شەشىم قابىلدانىپ وتىر.
وبلىس اۋماعىنداعى تابيعي پوپۋلياتسيانىڭ قالپىنا كەلۋى ءۇشىن جالاڭاش ميانى -5 جىل، ساسىق كەۋرەكتى - 8 -جىل مەرزىمگە پايدالانۋ قۇقىعىن شەكتەۋ تۋرالى قاۋلى قابىلداندى.
«زاڭعا سايكەس، جەرگىلىكتى قاداعالاۋشى ورگان - ءبىزدىڭ باسقارما. ونىڭ قۇزىرىنا وسىمدىكتەردىڭ پوپۋلياتسياسىن كۇزەتۋ، قورعاۋ، قالپىنا كەلتىرۋ، مونيتورگ جۇرگىزۋ جۇمىستارى كىرەدى. سوندىقتان، زاڭنامانى بۇزعان زاڭدى جانە جەكە تۇلعالاردى جاۋاپقا تارتۋ ماقساتىندا جيناقتالعان قۇجاتتار جوعارى تۇرعان تەكسەرۋشى ورگاندارعا ۇسىنىلادى»، - دەدى قايرات ابدۋاليەۆ.
اۆتور
قايرات زاينيشيەۆ