تۇركىستان. KAZINFORM - قازىر توبەلەسكە قاتىستى دەگەن كۇدىكتىلەر ۇستالىپ، بارلىق ءمان-جاي انىقتالۋدا. الەۋمەتتىك جەلىدە تاراعان ۆيدەودان جاپپاي توبەلەسكەن جاستاردى كورۋگە بولادى. قولىنداعى اعاشپەن ءبىرىن ءبىرى اياۋسىز سوعىپ، باسىنان ۇرعان ساتتەرى بەينەكادرعا انىق ءتۇسىپ قالعان.
تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى وقيعانىڭ ماقتارال اۋدانىندا بولعاندىعىن مالىمدەدى. ءتارتىپ ساقشىلارى جاستاردىڭ بۇزاقىلىق ارەكەتتەرىن توقتاتقان. قازىر كۇدىكتىلەر ۇستالىپ، بارلىق ءمانجاي انىقتالۋدا. قىلمىستىق ىستە قوزعالدى.
ال، جەلىدە جاريالانعان ۆيدەوعا پىكىر جازۋشىلار جاستاردى كىنالاپ، جازالانۋى كەرەكتىگىن جەتكىزىپ جاتىر.
ولاردىڭ ىشىندە «ءبارىن اسكەري قىزمەتكە قۇرتۋ كەرەك، ەسىرگەندەردىڭ»، «سۋ تاسىپ تۇرعان جاققا جىبەرۋ كەرەك»، «ءبىرىن ءبىرى قىرىپ بولدى-اۋ»، «نە جەتپەيدى وسىلارعا؟»، «قارنى توقتىق ازدىرار ادام بالاسىن» - دەگەن جازبالاردا بار.
اۆتور
قايرات زاينيشەۆ
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан