تۇركىستان وبلىسىندا بيىل 900 گە جۋىق ازامات «قانداس» مارتەبەسىن الدى

تۇركىستان. قازاقپارات - 9 اي ىشىندە 472 وتباسىن قۇراپ وتىرعان 875 ەتنيكالىق قازاق تۇركىستان وبلىسىنا قونىس اۋدارعان. ناتيجەسىندە ولارعا «قانداس» مارتەبەسى بەرىلگەن.

وزبەكستاننان - 853، تاجىكستاننان - 11 جانە باسقا مەملەكەتتەردەن - 11 ادام وڭىرگە كوشىپ كەلگەن. قونىس اۋدارعان ەتنيكالىق قازاقتاردىڭ 345 ى سارىاعاش اۋدانىنا، 138 ى ورداباسى اۋدانىنا، 121 ى قازىعۇرت اۋدانىنا، 119 ى كەلەس اۋدانىنا، 73 ى سايرام اۋدانىنا، 24 ى جەتىساي اۋدانىنا، 14 ى تۇلكىباس اۋدانىنا، 23 ى ماقتارال اۋدانىنا، 13 ى تۇركىستان قالاسىنا جانە 5 ادام باسقا اۋدان- قالالارعا قونىستانعان.

ەتنيكالىق قونىس اۋدارۋشىلاردىڭ 498 ى ەڭبەككە جارامدى. ونىڭ ىشىندە جالدامالى جۇمىسشىلار -17، ءوزىن-ءوزى جۇمىسپەن قامتىعاندار -175، جۇمىسسىزدار نەمەسە جۇمىس ىزدەۋشىلەر -154 جانە باسقا دا ساناتتاعىلار 152 ادام.

ال، ىشكى كوشى-قون ماسەلەسىنە كەلەتىن بولساق، ەڭبەك جانە حالىقتى الەۋمەتتىك قورعاۋ مينيسترلىگى 2024 -جىلعا رەسپۋبليكا بويىنشا 7050 كۆوتا ءبولىپ، قانداستار مەن قونىس اۋدارۋشىلار ءۇشىن مەملەكەتتىك قولداۋ كورسەتەتىن 7 وبلىستى بەلگىلەدى. ولار - اباي، قاراعاندى، قوستاناي، پاۆلودار، سولتۇستىك قازاقستان، ۇلىتاۋ، شىعىس قازاقستان وبلىستارى.

اۆتور
قايرات زاينيشەۆ