تۇركىستان وبلىسىندا العىس ايتۋ كۇنى 10 كۇن بويى اتالىپ وتەدى

تۇركىستان. KAZINFORM - بۇگىن تۇركىستان قالاسىنىڭ تۇرعىندارىنا تاتتىلەر مەن قۇرت تاراتىلدى.

تۇركىستاندا قۇرت تاراتۋ ءراسىمى ۇيىمداستىرىلدى. يگى شارا بارىسىندا «قوعامدىق كەلىسىم» ك م م- ءنىڭ قىزمەتكەرلەرى قالا كوشەلەرىندە ءوتىپ بارا جاتقان تۇرعىندارعا ارنايى تىلەكتەر جازىلعان تاتتىلەر مەن قۇرت ۇلەستىرىپ، مەرەكەمەن قۇتتىقتادى. ءوز كەزەگىندە تۇرعىندار دا الداعى العىس ايتۋ كۇنى تۋرالى پىكىرلەرىن ايتىپ، مەرەكە قارساڭىندا ىزگى تىلەكتەرىن جەتكىزدى.

تۇركىستان وبلىسى قوعامدىق دامۋ باسقارماسىنا قاراستى «قوعامدىق كەلىسىم» ك م م باسشىسى ەلميرا جانعازيەۆانىڭ ايتۋىنشا العىس ايتۋ كۇنىنە ارنالعان ءىس-شارالار وڭىردە ون كۇن بويى اتالىپ وتپەك.

«23- اقپان مەن 3- ناۋرىز ارالىعىنداعى ءار كۇن ادامداردى ىنتىماق پەن بىرلىككە، تاتۋلىققا شاقىرادى. اتاپ ايتار بولساق، «قايىرىمدىلىق كەرۋەنى» رەسپۋبليكالىق اكسياسى اياسىندا «قورجىن» قايىرىمدىلىق كومەك كورسەتۋ ءىس-شارالارى ۇيىمداستىرىلادى. سونداي-اق، ءبىلىم بەرۋ مەكەمەلەرىندە، اسكەري بولىمدەردە، ەڭبەك ۇجىمدارىندا العىس تاقىرىبىنا ارنالعان «تاريح عيبراتى» ساباقتارى وتەدى. بىرلىككە ۇندەگەن بۇل مەرەكە «تۋعان جەرىم - جۇرەگىمدە!» اتتى ءىس-شارامەن جالعاسادى»، - دەدى ەلميرا جانعازيەۆا.