تۇركىستان قالاسىنىڭ اۋدانارالىق سوتىندا ترانسپلانتاتسيالاۋ نە وزگەدەي پايدالانۋ ءۇشىن ءتىرى ادامنىڭ اعزالارىنا قاتىستى زاڭسىز مامىلەلەر جاساۋعا وقتالۋ بويىنشا ايىپتالعان تۇرعىنعا قاتىستى قىلمىستىق ءىستى قارادى.
وبلىستىق سوتتىڭ مالىمەتىنشە، ايىپتالۋشى 2025 -جىلعى اقپان ايىندا ءوز بۇيرەگىن ساتۋ ماقساتىندا «تەلەگرام» ارقىلى جارناما جاريالاپ، ءىسىن يميتاتسيالىق تۇردە ىشكى ىستەر ورگاندارى قىزمەتكەرىمەن كەلىسىپ، 13 ميلليون تەڭگەگە ساتۋدى جوسپارلاعان. ۇستالعان كەزدە ول 5 ميلليون تەڭگە قاراجاتتى العان.
سوتتالۋشى كىناسىن تولىق مويىنداپ، ارەكەتىنە اۋىر ماتەريالدىق جاعدايى مەن اقشا قاراجاتىنا مۇقتاجدىعى سەبەپ بولعانىن، جاساعان ىسىنە وكىنەتىنىن جەتكىزدى.
- سوت جاسالعان ارەكەت اۋىرلىعى ورتاشا قىلمىس ساناتىنا جاتاتىنىن جانە زيان كەلتىرىلمەگەنىن ەسكەرە وتىرىپ، «قازاقستان رەسپۋبليكاسى كونستيتۋتسياسىنىڭ 30 جىلدىعىنا بايلانىستى راقىمشىلىق جاساۋ تۋرالى» قازاقستان رەسپۋبليكاسى زاڭىن قولدانىپ، 05.02.2026 -جىلى سوتتالۋشى م. - ءدى قىلمىستىق جاۋاپتىلىقتان بوساتىپ، ءىس جۇرگىزۋدى توقتاتتى، - دەلىنگەن حابارلامادا.
قاۋلى زاڭدى كۇشىنە ەنگەن جوق.
بۇدان بۇرىن ورالدا 33 جاستاعى تۇرعىن ءوزىنىڭ بۇيرەگىن شەتەلگە ساتپاق بولعانىن جازعان ەدىك.
اۆتور
ءسابيت تاستانبەك