تۇركىستان قالاسى «World Craft Council» حالىقارالىق ۇيىمىنىڭ شەشىمىمەن جانە دۇنيەجۇزىلىك قولونەر كەڭەسىنىڭ كەلىسىمىمەن «قولونەرشىلەر قالاسى» مارتەبەسىن يەلەندى.
الداعى ۋاقىتتا «ەرەكشە مارتەبە» ستاتۋسى اياسىندا قولونەرشىلەر شىعىندارىنىڭ 25 پايىزى سۋبسيديالاناتىن بولادى. سونداي-اق، تاياۋ ۋاقىتتا قولونەرشىلەر ورتالىعىن پايدالانۋعا بەرۋ جوسپارلانۋدا.
- تۇركىستان قالاسىندا قولونەر سالاسى ۇلتتىق داستۇرلەردى ساقتاي وتىرا، زاماناۋي ۇردىستەرمەن ۇيلەسىمدى دامىپ جاتىر. تۇركىستاندىق شەبەرلەردىڭ كەراميكالىق بۇيىمدارى اسەمدىگىمەن، ناقىشتى ورنەكتەرىمەن جانە جوعارى ساپاسىمەن ەرەكشەلەنەدى، - دەلىنگەن تۇركىستان قالاسى اكىمدىگى تاراتقان اقپاراتتا.
ايتا كەتەيىك، بۇدان بۇرىن تۇركىستان «حالىقارالىق قولونەرشىلەر قالاسى» مارتەبەسىن الۋعا نيەتتى ەكەندىگىن جازعان بولاتىنبىز.